Lugo, 9 de xaneiro de 2015.- O Grupo Provincial do Partido Popular pregúntase onde está o investimento que o deputado responsable de Vías e Obras, Manuel Martínez, anunciou este venres que dirixira á mellora de estradas de titularidade provincial, xa que, segundo matizan os populares, a rede viaria da Deputación de Lugo atópase no peor estado dos que estivo dende a historia da institución lucense.
Para os populares é inexplicable que, de ser certo o investimento de case 70 millóns de euros en mellorar 1.000 quilómetros de estradas provinciais, as infraestruturas viarias presenten o indiscutible mal estado no que se atopan na gran maioría dos concellos de Lugo.
Así, ante as informacións e os datos anunciados esta mañá por Manuel Martínez, dende o GPP consideran necesario pedirlle responsabilidades xa que pese a que asegurou dispoñer dunha importante contía económica para infraestruturas; este diñeiro non se reflicte no bo estado e mantemento da rede viaria provincial.
Deste xeito, os populares manifestan a súa preocupación ao respecto e aseguran que calquera lucense pode apreciar que 70 millóns de euros son suficientes para acometer actuacións que manteñan en mellor estado as estradas da Deputación do que realmente están, dado que, segundo explican dende o GPP, nunca estiveron tan mal.
A falta de conservación e mantemento nas vías da Deputación non o di só o Grupo Popular, senón que o reivindican os veciños; aos que os populares invitan a que fagan unha revisión do estado que presenta a rede viaria para comprobar se lles parece crible a situación na que atopa pese ao investimento tan forte que din ter levado a cabo.
Neste senso, os populares ademais de polo destino do diñeiro e de pedirlle responsabilidades, tamén lle preguntan a Manuel Martínez se na contía do investimento anunciada esta mañá tamén suma a levada a cabo en obras que están a ser investigadas por presunta comisión de irregularidades, como é o caso da estrada de Portomarín do Alto do Valiño a Valdeporrás.
Por último, as informacións do deputado socialista veñen a comprobar exactamente a circunstancia denunciada polos populares en reiteradas ocasións: o mal estado da rede viaria provincial non é debido á falta de orzamento, senón a unha mala xestión do diñeiro de todos os lucenses.
Será ás 12 do mediodía. Nesta ocasión os asistentes poderán gozar da elaboración e degustación de receitas con peixes de baixo valor económico, unha oportunidade para descubrir novas formas de cociñar e saborear o mellor produto de proximidade. Na praza de abastos estiveron xa facendo promoción desta actividade a concelleira de Promoción Económica e Comercio, Marta Saiz, e o alcalde, Dani Vega.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
