Santiago, 17 de xaneiro de 2015.- Os portos de titularidade autonómica de Galicia recibiron 7.781 barcos en tránsito durante o pasado ano 2014. Así o recolle o balance anual realizado por Portos de Galicia, o ente público responsable destas infraestruturas. Segundo datos facilitados polos propios xestores, as dársenas autonómicas comprendidas entre Ribadeo e Baiona incrementaron nun 9% de media o número de embarcacións en tránsito respecto ao ano anterior. Así recalaron nos portos autonómicos un total de 7.129 barcos destas características.
Deste xeito, a costa galega confirma a consolidación desta actividade portuaria que experimentara xa en 2013 un importante ascenso e que, no último exercicio, mellorou os seus resultados, acadando un novo récord histórico. Polo que respecta ás procedencias das embarcacións en tránsito, maioritariamente foron estranxeiras, con predominancia das francesas, seguidas de británicas.
Nunha análise porto a porto, o peirao que recolleu maior número de tránsitos foi o de Muros, con 821; seguido de Camariñas, con 784; e Viveiro, con 569. Por municipios, o que recibiu máis embarcacións deste tipo foi Baiona, con 935 tránsitos entre os seus dous peiraos deportivos; seguido de Sanxenxo, cos 888 que suman entre as instalacións sanxenxinas e a de Portonovo.
Por comarcas, a Costa da Morte experimentou unha forte subida nos dous peiraos, Camariñas e Muxía, que rexistraron en 2014 un total de 784 e 306 tránsitos respectivamente, fronte aos 773 e 161 do ano anterior. Tamén destaca o incremento experimentado na ría de Arousa, onde se acadaron 1.078 tránsitos, un 12% máis que o ano anterior, entre os peiraos de Cabo de Cruz, A Pobra, Ribeira e Vilanova. Nesta zona, a cifra máis alta rexistrouse na Pobra do Caramiñal, con 566 tránsitos, e a principal subida en Cabo de Cruz (Boiro), que medrou un 160%, pasando de 109 en 2013 a 283 tránsitos no pasado ano.
Para Portos de Galicia, a captación de novos tránsitos é unha liña de traballo estrutural, tal como se recolle no Plan Estratéxico da Náutica Recreativa 2012-2020, que o ente público está a poñer en práctica. Para impulsar estas chegadas, estanse a desenvolver accións promocionais dos portos deportivos de Galicia a nivel nacional e internacional. Así, cómpre reseñar a participación de Portos de Galicia, en colaboración con Turismo de Galicia, en eventos de referencia no sector do turismo náutico, como o Salón Náutico Internacional Grand Pavois, de La Rochelle, ou o Salón Náutico de París.
De feito, resulta constatable a positiva repercusión destas accións desenvolvidas nos principais eventos náuticos de Francia e que se teñen traducido na consolidación da hexemonía dos tránsitos franceses en Galicia. Ante os resultados obtidos, Portos de Galicia ten previsto dar continuidade a estas accións en base á súa incidencia nas cifras de captación de actividade náutica para os peiraos galegos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
