Toda factura por un importe superior aos 5.000 euros que sexa presentada nunha administración pública debe tramitarse de xeito telemático, segundo obriga a lexislación. Para axudar aos Concellos da provincia e ás empresas a adaptarse a esta normativa -a Lei 25/2013 de Impulso da Factura Electrónica, que entrou en vigor o 15 de xaneiro- e poñer en marcha o sistema de facturas on line, a Deputación de Lugo ofrece asesoramento gratuíto tanto ás entidades locais, como ao tecido empresarial, a través de dúas vías.
Por unha banda, organizou para este vindeiro xoves dúas xornadas formativas no Salón de Actos: unha para os traballadores dos Concellos e da propia Deputación, que terá lugar de 10.00 a 12.00 horas, e outra para aos empresarios, sobre todo PEMES e autónomos, que se celebrará de 17.00 a 19.00 horas.
Na sesión dirixida aos traballadores públicos darase a coñecer en detalle o procedemento de xestión das facturas electrónicas na plataforma oficial existente para este sistema, denominada FACe, en concreto: a adhesión e alta na plataforma; as necesidades técnicas para a conexión; procedementos de captura das facturas electrónicas; as fases da factura electrónica; ou os prazos legais establecidos para pagar as facturas.
Polo que respecta á xornada pensada para as empresas provedoras da Administración Pública, o obxectivo é informalas sobre como teñen que crear e tramitar as facturas electrónicas, como poden facerlle un seguimento, e os prazos legais nos que debe pagar a administración.
Información individualizada
Ao mesmo tempo, a Deputación ofrece xa información individualizada, tanto vía telefónica, no número gratuíto 900 897 994, como presencial, nas propias dependencias da institución, en ambos casos en horario de 09.30 a 14.30 horas. As persoas interesadas na atención presencial deben chamar ao devantido teléfono para pedir cita previa.
A área de Cooperación cos Concellos, que dirixe Álvaro Santos, e a de Economía do Coñecemento, Emprendedores e Innovación, que encabeza Alfredo Llano, puxeron en marcha este novo servizo de asesoramento sobre a factura elecrónica, que se leva a cabo a través do programa tecnolóxico Innova-TE, financiado ao 80% por fondos europeos FEDER. A iniciativa enmárcase na aposta da Deputación “pola máxima cooperación cos Concellos en tódolos eidos e por aproveitar as vantaxes das novas tecnoloxías para facer a administración máis áxil e útil aos cidadáns”.
A Deputación de Lugo foi pioneira entre as institucións provinciais galegas en adaptarse á normativa da factura electrónica, e xa leva utilizando este mecanismo dende mediados do ano 2013.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
