“O Partido Popular votou en contra da transparéncia nas axudas aos medios de comunicación” afirman os membros da Asociación de Medios en Galego, trala decisión adoptada polo Pleno do Parlamento Galego de non tomar en consideración a proposición de Lei de Publicidade Institucional, presentada pola entidade. Nove veces nos últimos seis anos prometeu o presidente da Xunta Alberto Núñez Feijóo “a inmediata presentación da Lei de Publicidade Institucional” sen que en ningunha das ocasións cumprira a súa promesa. Esta mañá os populares rexeitaron a posibilidade de debater o asunto na Cámara autonómica.
“Vostede non ten vergonza” espetoulle a deputada do BNG Montse Prado á representante do Partido Popular Paula Prado, despois de que ésta afirmara que “ainda estamos no ecuador da lexislatura”. A parlamentaria popular indicou que a Lei presentada esta mañá “non vale nin para enmendar” e afirmou que se trata dunha mera copia da lei estatal (29/2005 de 29 de decembro) para máis adiante sinalar que outros artigos eran iguais que o proxecto de lei presentado no seu día polo goberno bipartito.
“O PP predicamoito de transparencia pero logo ven aquí e se opon a debater as axudas a medios de comunicación” salientou a deputada nacionalista, para logo concluir que “vostedes non queren regular este tema porque están cómodos na opacidade”. O BNG presentou a proposición de lei, atendendo ao texto que a Asociación de Medios en Galego lle fixo chegar á totalidade dos grupos parlamentarios.
Xavier Ron (Alternativa Galega de Esquerdas) tamén respaldou a toma en consideración do texto, cifrando en “10 millóns de euros anuais” os cartos que a Xunta de Galicia destina aos medios de comunicación. “Hai que regular este tema para romper e vencer o uso partidista dos recursos públicos, algo que roza a prevaricación” salientou Ron.
Beatriz Sestayo (PSdeG PSOE) apoiou igualmente a iniciativa suliñando que a “política mordaza do PP, nega a moitos sectores sociais o acceso aos medios públicos”. “O goberno popular susténtase na mentira e a democracia está secuestrada” manifestou a parlamentaria ferrolana.
A deputada de Cerna Consuelo Martínez sumouse á toma en consideración da Lei, acusando á Xunta de Galicia de “permitir e incluso provocar o peche de medios de comunicación en galego”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).