Dentro da programación de OBRADOIROS CON ALMA, un proxecto de colaboración entre os artesáns da Mariña de Lugo, Regal Xunqueira acolle a exposición colectiva de artesanúa “Carnestolendas”. Trátase dunha mostra de Miriam Viveiro, Félix Paz, Estéfano Gudín, Pilar Maravilla, José Rodil, Lucía Catuxo, Regina Lorences e Otero Regal que ten como obxectivo difundir saberes locais coma carpintería de ribeira, cerámica, encaixe de bolillos, alfarería tradicional, torneado de madeira, o oficio de ferreiro, das redeiras…mediante talleres e demostracións en vivo.
ÚLTIMA HORA
- Comezou nas instalacións de Apaga a xuntanza do proxecto europeo Theide na que participan profedores chegados desde Turquía, Croacia, Italia e Portugal
- Unha colisión entre unha furgoneta e un coche deixou dúas persoas feridas en Lourenzá
- O ISM forma migrantes en Burela para traballar no mar
- O XIII Festival Aturuxo de Bravos celebrarase este venres e sábado
- O XIII Festival Aturuxo de Bravos celebrarase este venres e sábado
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas. - Este martes instalarase o “velocípedo errante” nas instalacións da fábrica Sargadelos, en Cervo
Este dispositivo, deseñado e fabricado polo persoal de Sargadelos contribuirá a facer máis atractiva a visita ao complexo socio-cultural. Conxunto integrado pola fábrica, o museo de cerámica, o horto dos alieníxenas, a piscina dos desenganos, a taberna dos irmandiños e diversas esculturas e dispositivos emprazados nos terreos da propiedade. - Semana cargada de actividade no Vicedo con actividades para todos os gustos
Nova edición dos mércores de natureza polo Río Sor, este 16 de xullo ás 11h, partindo do porto do Vicedo (Inscrición no 982 59 01 95). O mesmo día ás 20:30h na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social. - A décimo segunda edición da Festa do Percebe de Xove terá lugar o sábado, 19 de xullo, na praza do Concello
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”. - A Xunta vén de entregar un local propiedade do Instituto Galego da Vivenda e Solo (IGVS) ao Concello de Viveiro
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal. - "Non é posible un acceso seguro a un dos lugares máis emblemáticos do noso pobo: a Ribeira do Perdouro, Área Xeolóxica e praia?", pregúntase O Vencello
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas". - A praia dos Bloques de Ribadeo acolleu este xoves unha tarde de xogos na auga
O concelleiro de Mocidade, Francisco José Silvent, explicou que “ayer, jueves 10 de julio, pudimos disfrutar en la playa de Os Bloques de una tarde super entretenida desde las cuatro hasta las siete. Contamos con hinchables acuáticos, donde todos los ribadenses y visitantes disfrutaron de una tarde increíble”. O edil ribadense engadiu; “os esperamos porque habrá más juegos en la playa de Os Bloques. Desde la Concellería de Mocidade seguimos apoyando y dinamizando este fantástico verano”.
2021 Crónica 3 A Mariña - Implementado por GaliciaDigital