“É unha irresponsabilidade asumir o colexio de Celeiro nas condicións actuais, en ruínas e sen garantías”
Viveiro, 10 de xullo de 2025. O PSdeG-PSOE de Viveiro criticou no pleno do mércores que a primeira moción presentada por PorViveiro desde que accedeu ao goberno local, case catro meses despois da moción de censura, se limitase a atacar ao anterior executivo en lugar de propoñer solucións reais.
A proposta, centrada na situación do antigo Colexio Celeiro, foi cualificada pola voceira socialista, María Loureiro, como un exercicio de populismo e confrontación. Advertiu que “non se pode cargar ao Concello cun edificio ruinoso e sen garantías”.
Loureiro lembrou que durante o mandato socialista se fixeron todas as xestións posibles para conseguir a cesión do inmoble. Inicialmente, foi ofertado ao Concello por 700.000 euros, “tal e como estaba”, unha cifra inasumible e “unha barbaridade” polas pésimas condicións da estrutura. Posteriormente, tras diversas xestións e reunións, abriuse a porta a unha cesión gratuíta, pero cunha condición: o Concello tería que asumir o edificio sen ningunha mellora previa.
“O problema non é de “gobernos amigos” como di o señor Bernardo, senón de legalidade e normativa estatal”, sinalou Loureiro, que acusou a PorViveiro de querer simplificar un asunto complexo só para confrontar. “A Tesourería Xeral da Seguridade Social é un organismo autónomo, con criterios técnicos e patrimoniais que non dependen do goberno local”, engadiu.
A voceira explicou que o anterior goberno solicitou que, polo menos, se acometese a reparación da cuberta, valorada pola unidade técnica en máis de 200.000 euros. “Non podiamos aceptar a cesión dun edificio que segue tendo filtracións e humidades, porque iso suporía unha carga económica máis e un risco para a súa conservación”, advertiu. Ao negarse a Tesourería a realizar esa obra, o inmoble foi sacado a poxa pública, pero quedou deserta.
“A realidade é que a Escola Vella de Celeiro está en estado ruinoso. Tendo en conta que neste momento xa é difícil manter o que temos: o conservatorio, o teatro, os centros sociais, etc., non sería responsable aceptar outro edificio sen recursos para arranxalo”, afirmou Loureiro.
“Nós fixemos as xestións necesarias, sen vender fume, e seguimos mantendo a mesma postura: se arranxan a cuberta, apoiamos a cesión, e despois xa se poderá rehabilitar o resto por fases e con seguridade”.
Loureiro concluíu lamentando que a primeira acción política do novo goberno fose empregar un tema serio para facer oposición ao anterior executivo: “Vivimos nun tempo no que o fácil é buscar culpables, pero o difícil e necesario é gobernar con responsabilidade”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
