O á destro santiagués é a segunda renovación deste verán e cumprirá o seu cuarto curso na entidade mariñá
Burela, 13 de xullo, 2025. Alberto Mirás vestirá polo menos unha tempada máis a elástica do Burela FS. O á destro santiagués e o club chegaron a un acordo para prorrogar un curso máis a vinculación que lles unía e, deste xeito, o intelixente futbolista compostelán cumprirá a súa cuarta campaña de laranxa. O club agradécelle a súa confianza e celebra poder seguir contando cun xogador tan importante para David Rial.
Alberto Mirás Neira (Santiago de Compostela, 2001) chegou ao Burela no verán do 2022 procedente do Parrulo de Ferrol. Canteirán do Santiago Futsal e internacional por España en categorías inferiores, destaca pola súa manexo de balón e intelixencia táctica. E, ademais, xa se lle pode considerar un auténtico veterano na Segunda División, xa que, a pesar da súa xuventude, esta será a sétima campaña na que compite no segundo chanzo do fútbol sala español. Na súa estrea en Primeira División, este pasado curso, Alberto foi un xogador fundamental nos esquemas de David Rial, participando en 29 encontros e anotando 4 goles. Unha inoportuna lesión provocou que só puidese xogar uns minutos na penúltima xornada diante de ElPozo Murcia e perdese o decisivo encontro que pechou a liga na cancha do Jimbee Cartagena.
O á santiagués sinala que o motivo principal que o levou a asinar a renovación foi “intentar axudar todo o posible ao club agora que está nun momento difícil”, explica. E engade que “creo que en Burela estou nun sitio no que me sinto moi cómodo e moi feliz, e tamén quería agradecer o trato do club todos estes anos e penso que o indicado era quedarse para axudar en todo o posible”, indica. Ademais, Alberto é optimista de cara ao futuro. “Creo que a nova directiva está facendo un traballo incrible e transmite esa seguridade e confianza necesaria para crer en que o proxecto vai saír adiante e se lle vai dar a volta a esta situación”, valora.
Así mesmo, o futbolista compostelán avanza que agarda desta campaña. “É un pouco cedo para falar de obxectivos para a tempada, pero estou seguro de que seremos un equipo competitivo, como o fomos estes últimos tres anos, e que a xente se sentirá moi identificada con nós e desfrutará de vir a Vista Alegre a animarnos”, conclúe Alberto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
