Alfoz, 10 de xullo de 2025. O Pleno do Concello de Alfoz aprobou hoxe o orzamento municipal para o exercicio 2025, que acada a cifra histórica de 3.108.296,98 euros. Supón un incremento de medio millón de euros respecto ao exercicio 2024, no que se aprobara un orzamento de 2.606.835,89 euros.
Este crecemento vén da man dun importante aumento das subvencións finalistas doutras administración, froito dunda excelente xestión do goberno municipal con todas as administracións, e dunha planificación financeira realista e prudente, que garante os investimentos sen aumentar os impostos.
Segundo explicou a alcaldesa, Efigenia Maseda Paz, “é un orzamento que reflicte o compromiso co futuro de Alfoz. Seguimos avanzando en servizos, en infraestrutura e en calidade de vida, sen comprometer a nosa saúde financeira. Non temos débeda e cada euro que entra invístese pensando na veciñanza”.
Un dos piares principais do orzamento é o forte incremento nas partidas de investimento, que superan os 1,1 millóns de euros. Entre as actuacións máis destacadas figura o proxecto de mellora da eficiencia no ciclo da auga, cun investimento previsto de 413.059,14 euros, dos cales 372.449,83 serán financiados a través do PERTE de dixitalización do ciclo da auga.
Este programa, financiado con fondos europeos, ten como obxectivo mellorar a eficiencia na xestión do recurso hídrico mediante actuacións que combaten as perdas de auga, dixitalizando a rede de abastecemento e fomentando o uso sostible da auga. No caso de Alfoz, permitirá modernizar a rede municipal, contribuíndo ao aforro e á mellora na calidade do servizo.
Así mesmo, mantense a aposta polos programas sociais, en especial o Servizo de Axuda no Fogar e manténdose as subvencións nominativas e en réxime de concorrencia ás entidades veciñais, educativas, culturais e deportivas.
O documento cumpre cos principios de estabilidade orzamentaria, sen operacións de crédito nin aumento da débeda, que se mantén en 0 euros, o que permitirá verse incrementado ao longo do ano coa incorporación de remanentes de tesourería, mediante as correspondentes modificacións de crédito. Estes fondos, procedentes da liquidación do exercicio anterior, permitirán financiar novos proxectos ou reforzar partidas existentes, ofrecendo unha marxe adicional de acción ao Concello.
Entre os proxectos máis destacados que se pretenden impulsar a través destes remanentes está a redacción dun PEPRI (Plan Especial de Protección e Reforma Interior) para o núcleo histórico de Castro de Ouro. A redacción deste instrumento de planeamento é o primeiro paso para a tramitación dunha ARI (Área de Rehabilitación Integral), que permitirá a rehabilitación e posta en valor do casco histórico, debido a seu gran valor patrimonial.
En palabras da rexedora local, “a tramitación da ARI é unha das principais aspiracións deste goberno municipal, agora que temos aprobado o Plan Básico Municipal. Queremos poñer en valor o noso patrimonio e facilitar que a veciñanza poida rehabilitar as súas vivendas con apoio das administracións”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
