A Mariña, 13 de febreiro de 2015. O Bloque Nacionalista Galego vén de dar conta da iniciativa presentada pola deputada no Congreso, Rosana Pérez, na que se chama a atención sobre o estado de dúas das principais vías de comunicación da comarca: a N-634, dende Barreiros á Xesta, e a N-642, desde Barreiros a Cervo. A deputada do BNG pregunta pola execución da partida comprometida polo Ministerio, á vez que insta a utilizar partidas xenéricas para seguridade viaria na mellora do firme destas estradas, advertindo do perigo que supón a conducción polas mesmas.
O estado das estradas, que xa foi denunciado en días pasados pola formación frontista, é de “absoluto abandono por parte do Ministerio, que o único que fai son rebacheos que non son máis que parches e non solucionan o fondo do problema”, asegura a responsábel comarcal, Ana Ermida.
Desde o BNG reclaman “unha actuación integral, e a necesidade de arranxar a estrada tal e como necesita e non con parches que de aquí a poucos días van estar na mesma situación ca agora mesmo.”
“É vergoñento que unha comarca co dinamismo social e económico que ten A Mariña, aportando máis dun tercio ao PIB provincial, siga sendo un dos lugares máis illados e coas vías de comunicación en peor estado de Galiza e do Estado”, aseguran.
No caso da estrada da costa non só vertebra unha parte importantísima da comarca, dando acceso aos principais portos e empresas, senón que é a única vía das veciñas e veciños da Mariña para chegar, por exemplo, ao Hospital da Costa. E, desde logo, asegura Ana Ermida, “o firme dista moito do que debería ser o dunha vía de comunicación principal.”
Por estes motivos, e conscientes do respaldo social co que conta a súa demanda, o BNG convoca á cidadanía a participar dunha acción simbólica que desenvolverá mañá sábado, ás 15:30, no alto de Mañente; un dos puntos en peor situación do trazado. Con esta acción pretenden chamar a atención do estado da mesma e reclamar, tamén pola vía da presión social, un arranxo urxente e integral destas vías.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
