Dende a executiva do PSdeG-PSOE de Burela queremos denunciar a nula capacidade que ten o equipo de “desgoberno” de Burela do Partido Popular para facer fronte ós problemas dos veciños e veciñas e imos a facelo, como fixemos sempre, con datos na man. Segundo os datos feitos públicos pola propia Xunta de Galicia, o número de parados en Burela subiu no pasado mes en 62 persoas, o incremento máis forte de todos os concellos da Mariña, incluíndo ós que teñen un maior número de poboación que Burela. Este incremento supón unha subida de máis do 7% moi lonxe da media da comarca da Mariña que anda polo 5%. Estes datos non fan máis que demostrar a falla de xestión e o abandono ó que se ven sometidos os parados de Burela por este equipo de “desgoberno” do Partido Popular.
Por se isto non fose pouco, se comparamos os datos dende que o Partido Popular se fixo cargo do goberno de Burela, aló por maio do 2011, os datos non fan máis que corroborar as nulas políticas levadas a cabo dende o “desgoberno” municipal diante do problema máis grave dos veciños e veciñas de Burela. En maio do 2011 tíñamos en Burela 661 parados, e a día de hoxe 809 o que supón un incremento dun 18% no número de parados o que demostra ben ás claras o que denunciamos.
Dende o PSdeG-PSOE de Burela por medio do seu Grupo Municipal xa reclamamos en varios Plenos do Concello que se impulsara un Plan de Emprego Municipal que puidera paliar este drama social, ó que o Partido Popular de Burela se opuxo igual que fixo con todas aquelas propostas que se lle achegan dende a oposición, demostrando así o pouco talante construtivo e de vontade de chegar a acordos que solucionen os problemas reais dos veciños e veciñas, demostrando así que este é un goberno que fai unha política que non serve para arranxar os problemas dos veciños e veciñas, un “desgoberno” esgotado.
Dende o PSdeG-PSOE de Burela esiximos ó “desgoberno” do Partido Popular de Burela que afronte os problemas máis graves da cidadanía de Burela e active un Plan de Emprego local que poida solucionar os problemas graves que están a sufrir os parados de longa duración que poida mitigar o sufrimento tanto dos afectados por esta lacra do paro como das súas familias.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
