LUGO/A MARIÑA, 11 DE FEBREIRO DE 2015.- A deputada no Congreso –Margarita Pérez Herraiz-, a través da iniciativa rexistrada, vén de trasladar ao Goberno Central as peticións que realizaron os veciños da provincia no proceso levado a cabo pola Deputación de Lugo para a elaboración dos Orzamentos Participativos, e que son de competencia estatal. Neste senso, a socialista diríxese fundamentalmente ao Ministerio de Fomento para preguntarlle sobre as previsións que mantén sobre as principais infraestruturas de comunicación de Lugo, e que permitirían vertebrar a provincia co resto de Galicia e de España.
“O organismo provincial fixo un excelente traballo, situándose á vangarda neste proceso. Non só escoitou aos cidadáns, senón que está dando resposta a cada unha das súas demandas. Así o trasladarei no Congreso, co fin de que o Goberno tome boa nota destas peticións, agardando que o Ministerio exerza a súa responsabilidade e cumpra como o está a facer a administración luguesa”, subliña a deputada socialista.
Deste xeito, as propostas dos cidadáns, que foron recollidas pola Deputación e que son de competencia estatal, refírense en primeiro lugar ás comunicacións ferroviarias. A este respecto, Herraiz diríxese ao Goberno no senso de que aclare e precise as previsións que manexa para impulsar as liñas ferroviarias Lugo-Sarria-Monforte e Lugo-Santiago, así como se pretende dar marcha atrás na previsión de deixar a provincia sen Alta Velocidade, ao non construir a Estación Intermodal que Fomento tiña proxectada para a capital.
En segundo lugar, pide que o Executivo concrete cando prevé rematar as autovías que conectan a cidade con Santiago e Ourense. “Son infraestruturas básicas para a nosa provincia. Así o demandaron os cidadáns e nós asumimos o compromiso de trasladalo a quen corresponde. Agardamos que o Goberno non lle dea as costas aos veciños, pois con estas actuacións, ademais de impulsar a provincia socioeconómica e industrialmente, permitirá crear postos de traballo, atallando así o principal problema que temos, o paro”, insiste a socialista.
Propostas da Mariña
Por outra banda, e en resposta ás propostas dos habitantes da Mariña, interésase pola mellora e os prazos de acondicionamento das vías de acceso ao núcleo urbano de Foz e pola sinalización da rede viaria estatal de Viveiro e de todos os concellos da Mariña na autovía do Cantábrico.
“A Mariña é un dos motores fundamentais da provincia de Lugo, pois a súa actividade económica supón unha aportación moi elevada ao Produto Interior Bruto lucense. Por iso, cremos que o compromiso do Goberno con esta comarca é irrenunciable”, conclúe.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
