Ribadeo, 2 de febreiro de 2015. O alcalde, Fernando Suárez, fixo unha valoración moi positiva do paso de Ribadeo por Fitur e do acto desenvolvido na Casa de Galicia, en Madrid, destacou o traballo realizado en conxunto cos empresarios e dixo que “o que queremos vender é a Ribadeo coma un todo, coma un pequeno mundo ou un pequeno universo onde hai praia, hai natureza e hai unha calidade magnífica onde durmir e onde comer”.
O rexedor realizou unha valoración “absolutamente positiva do que supuxo esta edición de Fitur, nesta feira internacional de turismo onde Ribadeo, coma en tantas outras cousas, estivo brillando con luz propia e para ben por moitas cousas. Por exemplo no acto que houbo na Casa de Galicia, que foi masivo e marabilloso, e contou con aproximadamente unhas 300 persoas entre xente vinculada a Ribadeo e profesionais do turismo, medios de comunicación especializados e blogguers, que acudiron á nosa chamada para presentar as nosas ferramentas de traballo, coma esta nova páxina web que acabamos de crear turismo.ribadeo.org ou turismo.ribadeo.gal. Nela cun só click calquera que queira vir a Ribadeo pode ter todo tipo de información sobre o noso Concello, que facer, que comer, onde durmir e que ver en varios idiomas: castelán, galego e inglés”.
E seguiu a relatar que “ademais, ao mesmo tempo pode ter a oportunidade de preparar e planificar as súas viaxes se quere facelo nun día, en dous ou nunha semana. Facilitando así unha serie de traballo feito con antelación para non dar ningunha escusa e non deixar de vir a Ribadeo. Sabendo, iso si, que temos moitas cousas dende o punto de vista do medio ambiente, como a nosa praia máis internacional de Ribadeo e da Mariña, a pesar de que desgraciadamente non sae moito no que ten que ver co stand de Galicia en Fitur, pero en fin, eles saberán por que. Nós dende o Concello facemos incluso unha páxina web especializada nesta praia das Catedrais, na súa morfoloxía, nas mareas e en toda aquela información que calquera cidadán de calquera parte do mundo poida ter deste areal tan marabilloso”.
Suárez Barcia indicou que “todo o noso traballo non se quedou só no areal, nin moito menos, senón que fomos da man de empresarios do sector acompañándoos. Penso que todos eles están satisfeitos por como demos a coñecer Ribadeo no mundo. Estivemos falando con tour operadores, con Europavisión, con axencias de turismo en internet coma pode ser Rumbo ou con liñas aéreas como Iberia, trasladándolle a nosa iniciativa Ribadeo Eventos para facer eventos non só na época máis álxida, durante xullo e agosto, senón durante todo o ano. Fixémolo posto que Ribadeo é un lugar perfecto para vir de vacacións, para facer eventos, para facer simposios ou para facer xuntas de empresas ou de colexios médicos ao longo de todo o ano. Tamén estivemos con novas liñas aéreas coma as turcas, que están abrindo mercado e operando en Santiago e Bilbao, ademais de estar abrindo unha liña con Oporto”.
O alcalde ribadense engadiu: “ademais, quixemos estar presentes e reafirmar o noso compromiso con TripAdvisor , este portal de internet que valora tamén destinos turísticos e que nos ten sempre moi ben posicionados en todo o que ten que ver coa praia das Catedrais, pero a quen queremos vender é a Ribadeo coma un todo, coma un pequeno mundo ou un pequeno universo onde hai praia, hai natureza e hai unha calidade magnífica onde durmir e onde comer. Por iso, estivemos traballando arreo con Acisa e cos hostaleiros, a miña compañeira de Turismo, Ana Martínez, as técnicas de turismo e eu mesmo, para posicionar a Ribadeo no mundo e para lograr que Ribadeo brille con luz propia. Empregando un símil: uns están indo en Feve e nós, con todas as modestias que vaian por diante, estamos intentando ir en Ave”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
