Lourenzá, 2 de marzo de 2015. A alcaldesa de Lourenzá, Emma Álvarez Chao, anima aos veciños do municipio a utilizar o punto limpo para evitar así a existencia de vertedoiros incontrolados e a aparición de residuos inapropiados nos colectores de lixo.
“Dende o Concello queremos recordar que ao servizo municipal de punto limpo as familias poden levar os residuos domésticos: aparellos, voluminosos, electrodomésticos, etcétera. O horario de atención cidadá é de 10 a 14 horas os luns, mércores e venres, pero para cubrir dun xeito máis amplo as necesidades dos veciños e veciñas eses mesmos tres días de 15 a 19 horas ábrese o recinto para a recepción de residuos domésticos previo aviso no teléfono 616.128.519. A maiores o Concello dispón dun sistema de recollida de aparellos e voluminosos a domicilio gratuíto, que se efectúa o último venres de cada mes previo aviso no Concello”, explicou a rexedora municipal.
Emma Álvarez engadiu que “no punto limpo atópase ademais o Centro de Acopio de Plásticos Agrícolas, que ten o mesmo horario que o punto limpo e para o cal tamén se fai a recollida gratuíta a domicilio os últimos venres de mes previo aviso. É moi importante que os gandeiros e agricultores teñan presente que estes plásticos agrícolas non poden depositalos nos colectores do lixo, como tampouco poden tirar rodas usadas, envases contaminados ou residuos perigosos, que tampouco poden levar ao punto limpo, porque dende o Concello non podemos recepcionalos”.
A alcaldesa rematou lembrando que o servizo de punto limpo “é gratuíto e animamos aos veciños e veciñas que aínda non o están usando a facelo, porque desta maneira non só se evitan actos delituosos senón que tamén contribuímos a que Lourenzá estea máis limpa. Non hai nada máis desagradable que ver vertedoiros de lixo incontrolados espallados polo medio natural, a maiores do dano que se fai ao medio ambiente”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
