A Vicepresidenta Segunda, Lara Méndez, avanzou este mércores en Alfoz un novo investimento da Deputación en mellora das comunicacións viarias deste municipio, que responde ás peticións dos veciños nos Orzamentos Participativos. Lara Méndez adiantou que este mesmo mes a Xunta de Goberno Provincial aprobará obras de mellora por valor de 174.000 euros nas estradas LU-P-0202 e LU-P-0210, que se porán en marcha en abril.
Trátanse de dúas vías que están unidas, que vertebran o Concello de Alfoz e que fan de principal acceso ao aserradeiro ou á gardería municipal, ademais de seren as estradas máis empregadas para ir dende este municipio ata o de Foz. Rexistran abundante tráfico, chegando a transcorrer ata 200 camións ao día. Discorren polas parroquias de Seara, Carballido e O Castro, polo que os 800 habitantes destas localidades as empregan a cotío.
Lara Méndez presentou hoxe o proxecto de obras destas vías, que redactou a Deputación e que aprobará este mes a Xunta de Goberno Provincial xunto ao inicio do proceso de contratación; e avanzou as actuacións que contempla e que arrancarán en abril. Trátanse da mellora do firme con aglomerado en quente e da sinalización horizontal e vertical, ademais da limpeza de cunetas. Actuarase en máis de 2 quilómetros e en dous treitos. Estes son: na LU-P-0202, de San Acisclo a Oiras, dende o punto quilométrico 3,650 ao 5,050; na LU-P-0210, de San Acisclo, por Allegue , con San Antonio, dende o 3,270 ao 3,910.
A Vicepresidenta, que estivo acompañada polo Deputado de Economía do Coñecemento, Emprendedores e Innovación, Alfredo Llano, tamén supervisou a estrada LU-P-0207, onde a Deputación estuda levar a cabo melloras ao seu paso por O Pereiro.
Máis actuacións
A través do Plan de Rebacheo que está en marcha na rede viaria provincial, a Deputación supervisará os 59 quilómetros de estradas provincias de Alfoz e acondiconará con rego asfáltico todos os puntos que o necesiten. Faino logo de investir 300.000 euros nas últimas anualidades en tarefas de mantemento. O organismo provincial tamén mellorou con aglomerado en quente máis de 4 quilómetros das seguintes vías provinciais deste municipio: LU-P-0204, de Carrocid, por Arnela, a Tremoal; LU-P-0206, de San Antonio, por Vilaude, á Grela, e a LU-P-0207 de Reirado á Cancela de Mel. Mediante o Plan de Obras e Servizo 2015, a Deputación financia con 14.000 euros a rexeneración do pavimento no camiño de acceso a Galea, que é municipal.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
