A Casa da Cultura de Riotorto acolle a quinta edición das Xornadas da Historia de Riotorto entre o sábado 4 e o domingo 5 de abril a partir das 19.00 horas baixo a denominación “A emigración no concello de Riotorto”.
O sábado 4 contamos coa presenza de Martín Fernández Vizoso. Natural de Cangas de Foz é Director do gabinete de comunicación da Deputación de Pontevedra e unha das persoas que mais ten estudado o fenómeno da emigración na mariña lucense. Falará da emigración americana fundamentalmente a Cuba e Bos Aires. Este mesmo día presentarase a iniciativa “Un día das Letras galegas para Avelino Díaz”.
“A primeira cousa que fixo Tomás Estrada Palma trala súa toma de posesión como primeiro Presidente da República de Cuba foi visitar o Centro Galego. Entón, o centro dos galegos emigrantes en Cuba contaba con 60.000 socios e tiña máis orzamento que o goberno da Habana. Eso da idea da súa importancia, prestixio e forza social. Nesa sociedade cubana de primeiros do século XX, os emigrantes de Riotorto tiveron un papel relevante, activo e singular non só no mundo societario senón tamén abandeirando e apoiando necesidades, loitas e reivindicacións do seu Riotorto natal”, explica Martín Fernández.
O domingo 5 Miriam Bouso exporá un estudo centrado na emigración a Europa nos anos 60 e 70. Miriam, Licenciada en Historia e veciña de Espasande de Baixo, adianta que “entre 1965 e 1975 calcúlase que uns 300.000 galegos e galegas deixaron os seus fogares procurando un mundo mellor no continente europeo desenvolto. O concello de Riotorto contribuíu a esta diáspora dunha forma moi notable, feito que levou ao estudo do fenómeno migratorio nas nosas aldeas. Como froito desta investigación xurde o traballo “A emigración a europa no concello de Riotorto” baseado na realización de entrevistas aos protagonistas, cuxas testemuñas se recollen no documental ‘Riotorto emigrante: a voz dos retornados’.
A continuación proxectarase un documental no que se dará voz aos emigrantes retornados no noso concello. O documental leva a autoria da propia Miriam e mais da xornalista da Órrea Vanesa Gómez Lourido.
Para rematar o Coro de Riotorto interpretará dous poemas sobre a emigración galega: “A xesta” de Avelino Díaz e “Iste vaise” de Rosalia de Castro.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
