Monforte, 18 de marzo de 2015. O vicepresidente da Deputación de Lugo e responsable das áreas de Benestar Social e Deporte, o nacionalista Antonio Veiga, presentou este mércores en Monforte, xunto á concelleira Pilar López e a representantes do Calasancio, E.F. Monforte e Sarria C.F. a IV Copa Deputación de Fútbol Base, que se disputará do 31 de marzo ao 5 de abril, coincidindo, como ven sendo habitual nas anteriores edicións, coa Semana Santa.
A competición comezará os días 31 de marzo e 1 e 2 de abril en Foz, no Campo Municipal, onde competirán as categorías xuvenil e cadete; continuará o 3 de abril en Monforte, nos campos Luís Bodegas e Escolapios, onde xogarán alevíns, benxamíns e prebenxamíns; para rematar os días 5 e 6 de abril en Sarria, no campo da Ribela, onde se disputarán os encontros da categoría infantil.
Un total de 128 equipos, pertencentes ás categorías inferiores de 35 clubs de toda provincia, participan nesta nova edición da Copa Deputación de Fútbol Base, que comezou a celebrarse no ano 2012 por iniciativa da área de Deportes da institución provinvial como un xeito de potenciar e fomentar o deporte base. Por categorías, a Copa será disputada por 21 equipos na categoría xuvenil, 16 cadetes, 20 infantís, 27 alevíns, 26 benxamíns, e 18 prebenxamíns. Neste sentido, Antonio Veiga apuntou que “este torneo move a máis de 2.500 rapaces e as súas familias, un dos eventos deportivos máis importantes na provincia de Lugo pola súa magnitude e que implica aos clubs de toda a provincia”.
“Como vén sendo a nosa liña de traballo, -continuou o vicepresidente- desde a área de Deportes da Deputación, queremos facer fincapé no apoio ao deporte de base, propoñendo esta competición futbolística que será tamén un gran evento socializador e de convivencia para todas e todos os nenos e as súas familias”.
A Deputación cubre todos os gastos do torneo
A práctica totalidade dos clubs de fútbol da provincia participan nesta Copa que, pese a levarse celebrando só 4 anos, é un evento que está totalmente consolidado. Nesta edición participan equipos inferiores de 35 clubs: Polvorín, Sagrado Corazón, Vilalbés, Milagrosa, Residencia, Abuín, Ferroviaria, Ribadeo, Burela, Comercial, Viveiro, Santiago de Foz, Ribela, Franciscanos, Foz, Sarria, Lugo, Escuelas Lucenses, Becerreá, Calasancio, Cospeito, Maristas, Iberia, Corgo, Monforte, María Auxiliadora, Pontenova, San Roque, Guitiriz, Obanlu, Antas e Monterroso.
Os clubs que teñan que percorrer máis de 50 km terán sufragados os gastos de desprazamento; así coma os de manutención no caso dos equipos de fóra do lugar da sede sempre que a organización o estime oportuno. Ademais, cada equipo participante, é dicir, os 128 equipos recibirán un regalo de material deportivo e cada crianza terá un detalle de participación así como os trofeos e medallas para os equipos finalistas.
“Desde a área de Deporte da Deputación de Lugo estamos a poñer todas as facilidades para que participen o maior número de futbolistas e de clubs. É un aliciente para os equipos saber que teñen todos os gastos cubertos, tanto de transporte, como manutención e aloxamento, se fose necesario, do que é boa proba que cada ano se sumen máis equipos de toda a provincia a esta competición”, concluíu Veiga.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
