O autor e propietario do blog de temática náutica “elblogdethornado.blogspot.com.es”, Juan Jose Rivas estrea nova web baixo o nome de Velas & Vientos, magazine: www.thornado.es.
Trátase dun portal gratuíto e sen patrocinios que ten como obxectivo “a máxima difusión”. De feito, a través do blog xa vén dando cumprida conta dende o ano 2008 de todas as noticias que afectan ao mundo da náutica facendo especial fincapé nas regatas de vela, desde as máis locais ata as de volta ao mundo e desde os barcos máis pequenos como os óptimist ata os Fórmula 1 do mar como os IMOCA, os VO65 ou os multicascos.
“Logo deste primeiro paso que durou case 6 anos e medio, considero que xa chegou o momento de avanzar un paso máis e dar o salto cara a unha publicación máis profesional e con maior alcance: “Velas & Vientos, magazine”. Este novo magazine en liña nace co mesmo espírito que o da súa publicación predecesora: servir de punto de encontro para todos os afeccionados á náutica en xeral e á vela en particular e chegar a converterse nun lugar na rede onde poder atopar toda a información sobre a náutica, as regatas, os barcos, en resumo, toda esa información que habitualmente o afeccionado demanda e que, en moitos casos, é moi difícil de localizar”.
Os contidos da web son todos de primeira man, proveñen do corazón das regatas e dos equipos. “A miña comunicación fluída cos servizos de prensa dos distintos equipos e regatistas permíteme acceder a eles de forma directa; por exemplo, a miña última entrevista que causou gran expectación entre os lectores foi ao coruñés Roberto Bermúdez de Castro, “Chuny” para os amigos, embarcado na Volvo Ocean Race a bordo do Abu Dhabi, xusto catro horas antes de partir de Sanya rumbo a Auckland: http://thornado.es/chuny-bermudez-se-sincera-con-verlas-vientos/+.
Tamén, co cambio de formato da web, os contidos foron ampliados facéndose eco das distintas regatas do mediterráneo, Andalucía ou Cataluña ata integrar unha sección dedicada a analizar todo o relativo aos barcos a motor. Mantense, así mesmo, a sección de piragüismo para empuxar un pouco máis por este case esquecido deporte, etc…
O número de visitas mensuais non é nada desdeñable, procedendo na súa maioría de España; pero sen desprezar ao resto de accesos orixinarios de Europa, o continente americano, Asia e ata Australia.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
