Barreiros, 19 de marzo de 2015. Tras dous meses nos que o BNG en Barreiros realizou unha decena de reunións coa veciñanza nas distintas parroquias, a valoración que trasladan desde a formación é “moi positiva”. Sinalan que “o ambiente nas reunións foi estupendo e tomaron parte nelas preto de 200 persoas que trasladaron queixas, necesidades e propostas. A idea compartida en todas elas foi a sensación xeral de estar nun concello paralizado, sen plans de futuro e a necesidade dun cambio de rumbo urxente para evitar o colapso municipal”, aseguran.
A portavoz municipal, Ana Ermida, agradeceu a participación das veciñas e veciños e asegurou que “nestas reunións saíron propostas moi interesantes que, desde o BNG trasladaremos ao concello e que teremos en conta á hora da elaboración do programa electoral. As cuestións máis demandadas son o arranxo das vías municipais e a atención aos servizos básicos, como o abastecemento de auga ou o saneamento; incluso o funcionamento do servizo de axuda no fogar.”
Neste sentido, desde o BNG solicitarán do goberno do Partido Popular que se realice un estudo serio e rigoroso da situación actual das redes tanto de abastecemento de auga como de saneamento da todo o concello, incluíndo tamén as catro parroquias non costeiras que non teñen un só metro de rede de sumidoiros. A portavoz municipal afirma que “é urxente completar o saneamento nas parroquias que o teñen iniciado e que nas que aínda hai zonas sen este servizo, pero é tanto ou máis urxente dotar o interior do concello dunha rede de sumidoiros que iguale ás veciñas e veciños que viven nas parroquias non costeiras.”
Ademais, desde o BNG volven a poñer o punto de atención no funcionamento das depuradoras existentes. “É unha vergoña ver como as estacións depuradoras que hai neste concello soltan a auga igual que a collen, nunha porcentaxe altísima sen ningún tipo de depuración”, afirma a portavoz. Poñen como exemplo a depuradora de San Cosme, que está situada no Xuncal. Explican desde o BNG que “a estación ten dous tubos: un deles polo que sae auga depurada que, a xulgar pola cantidade, probablemente non supere o 10%. E outro polo que sae a auga directamente, do mesmo xeito que entra na depuradora, co que isto supón para a saúde pública e o medio ambiente.”
Por isto, o BNG solicitará do goberno municipal, tal e como xa trasladou nunha moción no pleno de xaneiro que o Partido Popular se negou a tratar, que se realice con urxencia un estudo detallado da situación da rede existente, das estacións depuradoras e do seu funcionamento e das necesidades das parroquias onde carecen do servizo, así como que se negocie coa Xunta de Galiza para poder afrontar estas actuacións o antes posible.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
