Mondoñedo, 19 de marzo de 2015.- O Partido Popular de Mondoñedo pedirá durante a celebración dos próximos plenos municipal e provincial, que o Concello e a Deputación realicen actuacións en estradas da parroquia de Lindín, coa finalidade de mellorar a seguridade viaria.
En concreto, os populares instan ao Concello a que acometa obras no camiño municipal do lugar de Chao da Bouza, onde se produciu un derrubamento de terras. A maiores, piden que a Deputación coloque vallas quitamedos nas curvas máis perigosas da estrada provincial LU-P-3103.
Deste xeito, o Partido Popular de Mondoñedo dálle traslado ás peticións que lle transmitiron os veciños durante a reunión que mantiveron con eles esta semana en Lindín. A solicitude dos populares correspóndese coas reivindicacións dos veciños, polo que urxen que as administracións responsables atendan na maior brevidade posible ás queixas dos usuarios destas dúas vías.
Camiño municipal
O Partido Popular de Mondoñedo rexistrou unha moción para o seu debate no próximo pleno municipal a través da que insta ao Concello de Mondoñedo a que acometa as obras necesarias no Camiño do Chao da Bouza (Lindín), coa finalidade de sanear o derrubamento de terras sufrido nesta localización.
Os populares explican que as pozas de auga que se dan neste punto xunto ao derrubamento de terras incrementan a inseguridade, polo que, segundo aseguran, “é necesario que, de xeito inmediato, se restableza o bo estado neste camiño municipal, e máis cando se trata dunha pista de servizo moi frecuentada tanto polos veciños como por outros usuarios, como é o caso, das persoas que practican caza”.
Estrada provincial
A estrada LU-P-3103, que comunica Lindín, por Santa María Maior, tamén presenta puntos moi perigosos, dado o seu trazado sinuoso con curvas moi pronunciadas. Esta situación provocou saídas de vía.
Así, os populares municipais pídenlle á administración responsable, a través do rexistro dun rogo, que coloque vallas quitamedos, para garantir unha mellor seguridade.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
