O PP de Viveiro alegrase de que por fin a Sra. Alcaldesa recoñeza as importantes inversións e transferencias realizadas pola Xunta de Galicia en Viveiro dende o 2009 ata a actualidade por un importe de 97,2 millóns de euros. Isto supón unha media de inversións de 16 millóns de euros anuais, moi lonxe da media dos 12 millóns de euros anuais de orzamentos municipais neste período. Non imos a mencionar o esforzo inversor do Concello porque é ridículo, basta recordar que nos presupostos do 2014 foi do 0.05%, uns 175.000 euros.
Agardamos que a partir de agora abandone ese discurso victimista, que o único que esconde e a súa nula capacidade de xestión, porque si fora doutro xeito, seguro que se terían conseguido para Viveiro moitas outras inversións e para outros ámbitos. Por certo cando di que non lle compensa pedir axudas ó ter que poner diñeiro, motivo polo que non solicitan distintas subvencións, volta a mostrar unha vez máis a súa ineficacia na xestión, porque si por cada euro que ten que poñer o Concello de Viveiro, a Xunta lle da tres, pensamos dende o PP que non é mal negocio para as arcas municipais. Pero como a súa xestión económica é un desastre non hai diñeiro dispoñible para poder facer o que fan a inmensa maioría dos Concellos de Galicia que é solicitar ditas axudas.
Está claro que o PP de Viveiro lle preocupan as inversións que se poidan conseguir da Xunta de Galicia, así como do Goberno Central e neso estamos todos os días para mirar de conseguir o máximo para os nosos veciños, pero tamén nos importan e nos alegramos das inversións que veñen da Diputación Provincial porque en definitiva son para Viveiro. Nós somos capaces de recoñecelo e agradecelo, pero o mesmo tempo retamos a Sra. Alcadesa que presente, detalladamente, as inversións feitas polo organismo provincial durante o mesmo período e así poder comparar unhas e outras.
Cando a Sra. Alcadesa fala da reducción en servicios sociais, máis lle valdría dirixirse a esa mesma Diputación para que lle pagase as importantes cantidades que lle adebeda dende o ano 2010, por non cumplir coa propia lei que socialistas e nacionalistas aprobaron no 2009, e que establecía que as deputacións prestarían “asistencia económica, técnica e xurídica” aos concellos con menos de 20.000 habitantes na execución das súas competencias en materia de servizos sociais comunitarios básicos. Si a todo esto lle sumamos que hai unha sentencia do TSXG que obriga a Diputación o seu pago, ó mellor esta reducción en servicios sociais non sería tal.
En definitiva o PP de Viveiro recomendalle a Sra. Alcadesa que a partir de agora abandone o victimismo e recoñeza dunha vez por todas, que ese discurso de que a Xunta ten abandonado a Viveiro non casa coa realidade obxetiva e constatable das cifras.
En Viveiro, a 14 de marzo de 2015
Antonio J. Bouza Rodil
Portavoz PP de Viveiro
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
