O portavoz do Grupo Municipal do Partido Popular de Viveiro, Antonio Bouza Rodil, recorda que no Pleno Ordinario do Concello celebrado o 2 de outubro do 2014 se acordou por unanimidade a creación dunha comisión para estudar as medidas de seguridade a aplicar e calquera outro tema que teña que ver coa seguridade vial, coa presenza da Policía Local e tráfico e a consulta da COTOP sobre medidas de seguridade referidas ás beirarrúas.
Este acordo era a resposta a unha moción do PP relativa á seguridade do tramo que comprende dende a ponte da Misericordia ata a capela; xa que por esa beirarrúa circulan gran cantidade de veciños e veciñas, moitos deles menores de idade.
Bouza Rodil recorda que “xa pasaron seis meses dende a adopción do acordo e o goberno municipal non tivo a ben convocar a comisión e nin sequera elaborou un informe sobre a seguridade nas zonas escolares, tal e como tamén se lles solicitou e se lles reclamou en decembro”.
Nese sentido, destaca o alcaldable popular que “estamos ante un novo incumprimento dun acordo plenario por parte do goberno socialista e en consecuencia unha burla ós veciños de Viveiro e ó propio Pleno, pois de todos é sabido que estes acordos son de obrigado cumprimento polo Concello”.
O Grupo Municipal do Partido Popular reitera a necesidade de adoptar cantas medidas sexan necesarias para garantir a seguridade dos viandantes e máxime agora neste tramo de dobre sentido de circulación e, polo tanto, é previsible unha maior densidade de tráfico de vehículos”.
Os populares presentan de cara ao Pleno do mes de abril un rogo no que instan á alcaldesa a “cumprir co seu deber e proceder de maneira urxente á reclamación do informe da Policía Local demandado”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
