Santiago, 15 de abril de 2015.- Os eurodeputados Pilar del Castillo e Francisco Millán inician este xoves unha visita oficial a Galicia de dous días, na que estarán acompañados polo conselleiro de Economía e Industria, Francisco Conde, e que lles permitirá coñecer de primeira man o potencial de dous dos sectores estratéxicos da economía galega: o metalúrxico e o da biomasa.
Neste sentido, ambos eurodeputados visitarán o xoves as instalacións da empresa Biomasa Forestal, ubicada na localidade coruñesa das Pontes de García Rodríguez. Esta compañía é líder nacional en fabricación de pellets, que elaboran a partir de biomasa de orixe galego. A empresa configúrase como un claro exemplo do potencial de Galicia neste eido, sendo a Comunidade unha das principais potencias forestais de Europa.
A biomasa representa hoxe en día o 6,4% da enerxía primaria consumida en Galicia, unha porcentaxe que o Goberno galego busca incrementar no contexto da Estratexia Integral de Impulso da Biomasa Forestal, que está a poñer en valor un recurso enerxético autóctono e limpo, con capacidade para xerar riqueza e emprego no monte galego.
Xa o venres, os eurodeputados coñecerán a fábrica de Alcoa en San Cibrao, o maior complexo industrial do grupo en España e un referente do sector metalúrxico nacional e europeo.
A planta de San Cibrao emprega a 1.200 persoas configurándose como o principal motor económico e social da Mariña lucense. Cunha continua aposta pola innovación, a compañía sitúase como líder dun dos principais sectores produtivos da economía galega, que suma arredor de 3.700 empresas na Comunidade.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
