Trasbar acolle o primeiro Maratón de Tute o sábado 18 de abril no local social a partir das 17.00 horas. Os premios establecidos son de 500 euros máis trofeo para a primeira parella clasificada, 300 euros para a segunda, 200 para a terceira e 100 para a cuarta. Na primeira repesca os gañadores faranse con 200 euros e os subcampións con 150; mentres que na segunda, os campións obterán 150 euros e os segundos clasificados, 100. De tódolos xeitos, estes importes correspóndense coa inscrición de 32 parellas. Así, no caso da participación de menos parellas, os premios serán proporcionais ás inscritas. Os interesados poden inscribirse por 35 euros (cea incluída) a través dos teléfonos 625 081 637 ou 605 158 373
ou do enderezo electrónico burgodetrasbar@yahoo.es.
Maratón de tute en Trasbar
Relacionado
-
El Franco celebrará do 18 ao 20 de setembro o Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
-
O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
-
Derradeira xornada de convivencia Ribadeo – Loktudi
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
