Mondoñedo, 18 de abril de 2015.- Trala II Xornada de Turismo celebrada este sábado en Mondoñedo e organizada por Novas Xeracións do Partido Popular, quedou demostrado que Mondoñedo conta cun importante potencial turístico que “atrae ás axencias de viaxes”.
No encontro celebrado no seminario participaron axencias de viaxes tanto galegas como españolas (Exclusive Spain Tours, Viajes Mundo Galaico e Elige Tu Viaje) que ven en Mondoñedo “perfectamente” un destino turístico “moi atractivo e que non está nada explotado”.
En concreto, o director de contratación de Elige Tu Viaje (un dos turoperadores máis importantes a nivel provincial e nacional), Iván Rodríguez, explicou que se está nun momento no que é necesario “diversificar e non vender sempre o mesmo. Necesitamos máis contido á hora de ofertar destinos e grazas a iniciativas como estas coñecemos novos recursos. Estamos empezando con ilusión a operar na Mariña e ata agora, por exemplo, de Mondoñedo incluíamos soamente visitas a catedral e hoxe puidemos coñecer novos recursos”.
Así, os populares sempre consideraron que a estratexia a seguir é a de convencer aos expertos (axencias e turoperadores) a que “traian xente a Mondoñedo, co obxecto de potenciar o turismo local”. E hoxe, “a ilusión das axencias de viaxes con Mondoñedo quedou clara”. A II Xornada de Turismo celebrada en Mondoñedo incluíu visitas guiadas polo museo catedralicio, “Ruta Cunqueiriana” a cargo de Xosé Luís Leivas, ao alfar no Barrio dos Muíños, e ao Obradoiro da Tarta de Mondoñedo a cargo da pastelería Val de Brea.
Unión e ilusión
A xornada contou tamén cunha parte práctica impartida polo xerente da empresa Implicatum Consultoria S.L., Pablo López, durante a que se analizaron as características que ofrece un territorio potencialmente turístico, “pero sen desenvolver”, así como as carencias que se están a dar e as actuacións que se deberían levar a cabo para que “Mondoñedo fose turisticamente o que nos queriamos que fose”.
Así, durante este encontro práctico reafirmáronse como claves básicas para dinamizar o sector turístico mindoniense tanto a “unión como a cooperación” así como a “ilusión”.
Neste senso, agradécese a implicación e participación da ACIAM (Asociación de Comerciantes, Industriais e Autónomos de Mondoñedo), que durante o encontro tamén destacou que un dos principais problemas do turismo é a falta dun guía, polo que puxeron en marcha a figura do audioguía, para coñecer a Mondoñedo a través da súa historia e das súas lendas.
No encontro, tamén participou a xefa da área provincial de turismo, Paloma Vázquez, quen deu a coñecer as liñas de axuda postas en marcha polo goberno galego para o desenvolvemento do sector turístico, tales como axudas para festas declaradas de interese turístico, ou para concellos coa mesma distinción, así como para a contratación de persoal para formadores turísticos. Están abertas axudas para a sinalización de recursos turísticos e supresión de barreiras arquitectónicas no concellos rurais.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
