Burela, 30 de abril de 2015.- A resolución da convocatoria dos premios de innovación educativa desenvolvidas durante o curso 2014-2015 trouxo de novo o recoñecemento para a renovación pedagóxica na Mariña, concretamente para o proxecto titulado “Neofalantes iniciais: da alfabetización á fluidez comunicativa” presentado polo Instituto Perdouro de Burela.
Con estes premios a Consellería de Cultura, Educación e Ordenación Universitaria valorou as prácticas innovadoras que se están desenvolvendo nos centros educativos galegos durante o curso 2014-2015 e que supoñen a tentativa dunha mellora da calidade do ensino. Ademais do IES Perdouro, conseguiron unha dotación económica de 2.000 euros o CPI de Navia de Suarna; os CEIP de Frións e Heroínas de Sálvora, de Ribeira; e os IES da Pobra do Caramiñal e de Rodeira, en Cangas do Morrazo.
Con esta intervención educativa agora premiada, o Instituto Perdouro tenta renovar a práctica docente para adecuala ás necesidades da sociedade. Neste sentido, as prácticas premiadas supoñen unha mostra real da renovación do sistema educativo, que responde así ás demandas sociais de novos coñecementos científicos e didácticos e que o fai tendo en conta as circunstancias cambiantes do alumnado.
Aínda que o fío condutor da iniciativa é a alfabetización de adolescentes en risco de exlusión social e o reforzo en materia de comprensión e expresión oral e escrita, outros obxectivos contemplados son: 1) a mellora da convivencia nos centros educativos, 2) a atención á diversidade en todas as súas vertentes, 3) o uso innovador das tecnoloxías da información e a comunicación, 4) o desenvolvemento das competencias básicas, e 5) a integración social de mozos e mozas de moi diversas procedencias.
O repertorio de actividades agora recoñecido pola Xunta de Galicia -e posto en práctica seguindo os criterios de interculturalidade “Modelo Burela”, en aplicación neste centro educativo desde 2004-, aposta pola relación fluída entre a actuación educativa e o contexto social da nosa comarca. Neste sentido, este novo premio de innovación –o oitavo que consegue o IES Perdouro- supón tamén un recoñecemento para a comunidade educativa deste centro escolar e para a Asociación Cultural e Musical Dambara.
No desenvolvemento deste proxecto académico teñen especial relevancia os traballos de José Ramón Leiva (Orientador educativo), Josefina Rodríguez Chao (da área de Tecnoloxía), Ana Vázquez Sesmonde (de Físíca e Química) e Manuel Carreira (Formación e Orientación Laboral).
A clave do éxito conseguido polo proxecto presentado polo Instituto Perdouro está na extraordinaria colaboración da ACM Dambara, unha colaboración que abarca a Xunta Directiva e o conxunto das persoas asociadas, mais moi especialmente o director musical Albano González Cancio e o profesor Rodrigo López Gómez.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
