A presentación da candidatura do BNG-Asembleas Abertas ás eleccións municipais de maio no Concello de Burela terá lugar este domingo 19 de abril a partir das 19.00 horas no bar “La Boccata” coa presenza de Antonio Veiga, vicepresidente da Deputación de Lugo e membro da Executiva Comarcal do BNG. No acto, intervirán distintas persoas que forman parte da candidatura e presentaranse as principais propostas de actuación para os próximos catro anos.
A candidatura é froito do intenso traballo realizado nos últimos meses polo BNG local, onde destacan a aposta pola renovación, a incorporación de persoas independentes e a presenza de mulleres e homes implicados en distintos ámbitos da sociedade burelá. Trátase en definitiva, dunha candidatura conformada por xente comprometida, co obxectivo principal de pór o Concello ao servizo dos veciños e veciñas. O traballo, a honestidade e a ilusión avalan a esta candidatura que encabeza o actual portavoz municipal do BNG Mario Pillado.
Dori González Fraga e Ana Amat Casariego, segunda e terceira na candidatura do BNG-AA, encabezada por Mario Pillado
Mario Pillado Mon conta con 30 anos de idade e está moi vencellado ao deporte de base, sendo na actualidade adestrador das categorías inferiores de fútbol sala en Burela. Licenciado en Enxeñaría Química pola Universidade de Santiago de Compostela, traballou como técnico de eficiencia enerxética para a fábrica de xeo da Confraría de Burela e é desde 2013 portavoz municipal do BNG no Concello de Burela.
Dori González Fraga será a candidata número 2 polo BNG-AA. Esta muller, veciña de Burela e empregada do comercio local, ten participado activamente en distintas asociacións locais e destaca a súa presenza en distintos eventos e actividades que se desenvolven en Burela ao longo do ano.
Ana Amat Casariego é empregada de farmacia e integrante activa da Plataforma Sanitaria da Mariña. Ten desenvolvido un importante labor social nas mobilizacións a favor da xestión autónoma para o Hospital da Costa e en favor dunha sanidade pública e de calidade. Ana Amat preséntase como candidata número 3 polo BNG-AA.
No acto deste domingo, será presentada o conxunto da candidatura e as principais proposta programáticas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
