15 de abril de 2015.- O voceiro de Pesca do Grupo Popular, Joaquín García Díez, asegurou este mércores que os desafíos económicos aos que se enfronta o sector pesqueiro de España esixen establecer compromisos de apoio ao sector para que poida diversificar os seus ingresos e, por iso, hai que apostar polas actividades complementarias á pesca.
Neste sentido, defendeu hoxe na Comisión de Agricultura, Alimentación e Medio unha Proposición non de Lei do Grupo Popular coa que se pretende impulsar a diversificación e o emprendimiento do sector pesqueiro.
“Non partimos de cero”, manifestou García Diez, “o Goberno para abordar a incidencia negativa de redución da frota pesqueira nas poboacións costeiras con participación de xeito significativo da pesca creou o Grupo Técnico de diversificación pesqueira e acuícola (DIVERPES) “.
Foi no marco deste Grupo Técnico de traballo onde se elaborou o primeiro Plan Estratéxico Nacional “DIVERPES 2013-2020” co obxecto de detectar e analizar as debilidades e fortalezas do sector pesqueiro en materia de diversificación pesqueira e acuícola, valorando as catro áreas con potencial máis significativo xeradoras de emprego, turismo, comercialización e transformación, medio e social.
Por iso, son varias as iniciativas que por proposta do Goberno foron incorporadas no regulamento de aplicación do Fondo Europeo Marítimo e de Pesca, tales como: a axuda mozos pescadores que queiran adquirir por primeira vez unha embarcación de pesca, as destinadas á formación a bordo dunha embarcación de pesca costeira artesanal, etc., “medidas que todos habemos de poñer o noso empeño en que teñan a maior aplicación”, asegurou.
A igualdade de xénero foi outro aspecto exposto polo voceiro popular como aplicación social do Plan, valorándoo moi positivamente para que a muller teña as mesmas oportunidades para acceder, non soamente ás tarefas de traballo que veñen identificándose como propias, senón tamén para que acceda aos postos de dirección das empresas pesqueiras e organizacións sectoriais pesqueiras.
A recente aprobación da modificación da Lei de Pesca Marítima do Estado incorporando un novo Título destinado a identificar “medidas de diversificación económica do sector pesqueiro e acuícola” na que se regula a oportunidade de desenvolver o turismo pequero ou mariñeiro, o turismo acuícola e a pesca turismo, é unha mostra máis do apoio Popular en buscar alternativas ao sector pesqueiro.
García Díez resaltou tamén a proxección que presentan as áreas de transformación e comercialización dos produtos pesqueiros e acuícolas pola implicación que teñen as poboacións costeiras na súa actividade, principalmente pola obtención de novos produtos que demanda a sociedade e por poder poñer en valor outros de escaso interese comercial, e que partir da prohibición dos descartes han de traerse a porto, actividades que han de ser coordinadas coas Organizacións de Produtores Pesqueiros ou acuícolas.
A intención do Grupo Popular é a incentivación dos profesionais do sector á hora de realizar actividades complementarias na área do medio para garantir a sostibilidade dos recursos. “Como resumen”, dixo García Diez, “na diversificación, o sector pesqueiro español ten aberta unha grande oportunidade para complementar a súa actividade aumentando a súa rendibilidade no próximo período 2014-2010 de aplicación dos fondos comunitarios”.
Para García Díez, “España é un enclave único para aplicar actividades de diversificación pesqueira, pois entre outros aspectos, conta con alta demanda de produtos pesqueiros, grande afluencia de turismo, e riqueza gastronómica e de recursos naturais,”.
Finalmente, precisou que “a todos nos compete impulsar iniciativas como a debatida, para que todas as organizacións participativas do sector pesqueiro e as propias administracións realicen en favor dos pescadores un labor de apoio permanente”, ofrecendo o apoio do seu Grupo para calquera iniciativa que se presente neste sentido.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
