Vista Alegre volveu vivir de emoción e sobresaltos no último duelo irmandiño da tempada en Vista Alegre, con repartición de puntos entre Burela FS Pescados Rubén e Santiago Futsal (3-3). A escuadra de Juanlu dispuxo na recta final de dúas ocasións a porta baleira e un dobre penalti no último segundo para levar os tres puntos, sen éxito.
Os primeiros compases foron dos laranxas, que intentaron atopar algunha fenda na defensa compostelá. Superado o primeiro minuto, un balón de Antoñito, logo de superar a defensa rival, chegaba sen forza ás mans de Íker. O Santiago soubo rendibilizar as súas ocasións e sen chegar antes con perigo á meta laranxa, no minuto 5, adiantouse con Lucho ao segundo pau a pase de Borja, cun balón que lle esvarou das mans a Edu e superou timidamente a liña de meta. Parecía que os visitantes cobraban forza en ataque, aínda que sen éxito. Rozando o ecuador, Iago Míguez a punto estivo de igualar a contenda nun man a man con Íker. Logo dunha perfecta actuación de Edu baixos os paus, intentouno Behroz no minuto 12, raso de lonxe, e no 14 a pase de Isi, pero á tercerá foi a vencida. O 9 burelista rubricou o empate en galopada asistido por Miguel (minuto 14). Os reflexos de ambos os gardametas tiveron que redobrarse para evitar as embestidas rivais na recta final antes de acabar a primeira parte. O Burela FS dispuxo de numerosas ocasións para poñerse por diant, con Chano desde balón parado no 15, Miguel a pase longo de Edu no 16 e Isi, que recolleu sen éxito na área fronte a Íker o apoio de Behroz desde a banda no 19. Sobre a bucina, Edu deixou sen forza o tentativa de Quintela desde balón parado.
Os de Juanlu saíron a por todas na segunda parte. Enseguida, Antoñito materializou o 2-1, dun disparo raso axustado ao pau, ao tomar vantaxe en superioridade tras perda santiaguesa. Dispuxo o Pescados Rubén de dúas ocasións claras para o 3-1, no minuto 22, cun enredo na área compostelá que despexou o meta rival e cun balón que estrelou Chano contra o poste. Con todo, os da capital galega estiveron máis finos para facerse donos do 2-2, nun pase rápido desde portería, que finalizou Iván Rumbo tras unha serie de rexeites ante Edu. O segundo pau desbaratou o balón directo desde saque de esquina de Isi no minuto 32; volveu perdoar o Burela FS e poucos segundos despois aproveitaron os composteláns nunha perda de Miguel, con contragolpe iniciado por Quintela, que culminou Iván Rumbo contra a rede. Íker salvou aos seus do empate, cun pé prodixioso fronte a Hélder na seguinte xogada, aínda que Edu, impertérrito, tamén estivo sublime en man a man con Lucas Bolo (minuto 34) e Santi (35). Subindo de revolucións, no 36, Chano retornou as táboas ao electrónico, 3-3, de penalti, tras un saque de esquina que culminara Iago, logo da falta sinalada polos árbitros. Apostaron os de Santi Valladares con Hugo Sánchez e o xogo de cinco, a falta de 2.36 minutos para ir a polos tres puntos, ante a seriedade defensiva dos locais, que puideron poñerse por diante a porta baleira en dúas ocasións. No último segundo, un dobre penalti, coa sexta falta dos visitantes, deulles ás aos laranxas para crer na vitoria sen fortuna.
Ficha técnica
Burela FS Pescados Rubén: Edu, Iago, Chano, Carlitos, Antoñito, cinco inicial; tamén xogaron Behroz, Hélder, Isi, Miguel, Renato, Ángel
Santiago Futsal: Íker, Lucas Bolo, Pablo Tallón, Hugo Sánchez, Quintela, cinco inicial; tamén xogaron Loito, Borja, Dani M., Iván Rumbo, Santi, Galego
Goles: 0-1, minuto 5, Loito;1-1, minuto 14, Behroz; 2-1, minuto 21, Antoñito; 2-2, minuto 28, Iván Rumbo; 2-3, minuto 33, Iván Rumbo; 3-3, minuto 36, Chano (penalti)
Árbitros: Redondo Arenales // Viedma Martín (Castela e León)
Tarxetas: Por Burela amarela a Antoñito (minuto 28), Edu (minuto 21), Miguel (minuto 39), Chano. Por Santiago Futsal amarela Lucho (minuto 5), Iván Rumbo (minuto 29), Borja (minuto 31), Marcos Vara
Incidencias: Partido correspondente á xornada 28 da Primeira División da LNFS, disputado no pavillón Vista Alegre, arredor de 800 afeccionados. Corredor de ambos s equipos ao Burela FS Pescados Rubén de Primeira RFEF, proclamado campión de Copa Galicia 2015 a semana pasada nas Pontes.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
