Viveiro, 30 de abril de 2015.- O secretario Provincial –Juan Carlos González Santín-, a vicepresidenta Segunda da Deputación –Lara Méndez-, e a secretaria da executiva nacional do PSdeG e número tres da lista –María Isabel Rodríguez López- arrouparon este xoves a María Loureiro na presentación da candidatura coa que a socialista concorre ás eleccións de maio. Deste xeito, o dirixente o Partido na provincia e Lara Méndez expresaron o seu apoio á alcaldable, quen, tal e como subliñou Santín, “soubo consolidar e fortalecer a alternativa de cambio seguro iniciado polo PSOE, da man de Melchor Roel, en 2003”.
“Non se me ocorre ninguén máis acertado que María para liderar esta oportunidade. Grazas alcaldesa, como socialista, porque eres unha excelente candidata, e grazas, como cidadán, por dar a cara nun momento de tanta incertidume e desconfianza política. Aceptando este reto, demostras que apostas pola política aberta e pola política limpa como a ferramenta máis digna para Viveiro”, destacou o secretario Provincial, quen dixo que “os veciños necesítante porque só os socialistas podemos garantir a igualdade, a participación social, cultural e cívica; en definitiva, un proxecto que protexa a todos e que goberne para todos. Hoxe máis ca nunca, María, Melchor estaría orgulloso de ti”, apuntou Santín.
“O Partido para a sociedade”
Loureiro iniciou as súa intervención, manifestando que “é emocionante e gratificante verse rodeado dos meus veciños”. “Eu dixen si ao Partido, e agora o fago ante vós, e con vós. Síntome moi orgullosa e disposta a afrontar este reto, que se resume en traballar xuntos polos cidadáns”, sinalou diante dos asistentes.
“O Partido só é decisivo se traballa por e para a sociedade. Non é a sociedade para o Partido, senón o Partido para a sociedade”. Por iso, recoñeceu publicamente que “teño ao mellor equipo e un proxecto con propostas solventes, concretas e realistas”. Neste senso, adiantou que, se revalida a confianza da cidadanía, seguirá traballando para “manter os servizos sociais, impulsar políticas que permitan reducir o paro, ademais de apostar de xeito decisivo por potenciar a oferta cultural e deportiva, co fin de que Viveiro sexa unha cidade atractiva non só para os visitantes, senón tamén para os que eliximos con orgullo vivir nela”.
“Representamos a igualdade”
Asemade, a alcaldable manifestou a súa satisfacción porque coa súa candidatura “representamos a igualdade”. “En Viveiro preséntanse cinco forzas políticas e só unha muller encabeza unha, que é a nosa, a do Partido Socialista, a do Partido que dende sempre loitou para lograr unha sociedade máis xusta”. A este respecto, subliñou que son “as súas convicións” as que a levan “a este desafío” e que as “forzas e as razóns veñen tamén dos demais porque sodes vós os que me dades o empurrón, o mesmo que me deu o meu pai político, Melchor Roel”, insistiu.
Valía e compromiso da candidata
A Vicepresidenta Segunda da Deputación destacou a valía e compromiso de María Loureiro para seguir á fronte do Concello de Viveiro. “Os veciños sábeno, saben que poden contar con ela e co PSdeG para traballar para todos os vivarienses, atender as súas demandas e preocupacións, e seguir facendo de Viveiro un concello dinámico e atractivo”.
“Alí onde gobernamos, os socialistas somos a principal barreira fronte aos brutais recortes sociais da dereita. Demostrouno María Loureiro en Viveiro e demostrámolo na Deputación, onde incrementamos a niveis históricos os investimentos para crear emprego e para garantir a prestación de servizos sociais básicos, como a Axuda no Fogar ou a teleasistencia, que os Gobernos do PP na Xunta e o Estado deixaron de financiar dun día para outro”, asegurou a Vicepresidenta.
Candidatura ao completo
María Loureiro lidera así, unha candidatura que combina experiencia cunha renovación nos principais postos de saída, pois nos dez primeiros integrantes, renova cinco; o que supón un cambio do 50%. Concretamente, os números catro, cinco, seis, sete e dez son novas incorporacións. Con todo, a lista completa é a seguinte:
1.- María Loureiro García
2.- Jesús Antonio Fernández Cal
3.- María Isabel Rodríguez López
4.- Jesús Fernández Fernández
5.- Lara Fernández Fernández-Noriega
6.- Emilio Villamea Méndez
7.- María Soledad Rey Yáñez
8.- Carlos Alberto Gueimunde Cabaleiro
9.- María Carmen Franco Díaz
10.- Jacobo Bermúdez Guerreiro
11.- Telma Candura Regal
12.- Vicente Hermida Rodríguez
13.- Vitorina Candeias Raposo de Matos
14.- Jesús Chao Da Silva
15.- María José Viña Bañobre
16.- José Miguel Sánchez Vázquez
17.- Aurelio Goas Gómez
Suplentes:
1.- Olga María Méndez Carro
2.- José Manuel Fernández García
3.- María Dolores Fraga Fernández
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
