Ribadeo, 12 de maio de 2015.- Un total de 48 equipos disputarán os días 23 e 24 de maio o X Torneo Internacional de Fútbol Veterano Vila de Ribadeo. O evento deportivo, organizado pola AD Veteranos do Ribadeo FC, foi presentado este martes ó mediodía no salón de plenos do Concello.
O alcalde, Fernando Suárez, valorou de forma positiva “o que esta asociación de veteranos leva dez anos facendo, porque co seu traballo e con este evento volvemos poñer a Ribadeo no mapa internacional. Si unhas veces é por eventos turísticos ou por monumentos naturais agora Ribadeo volve sonar desde o punto de vista internacional cun evento deportivo que vai encher a vila e os campos da comarca de xogadores que chegarán de media Europa, do norte de África, de Galicia, de Asturias, de Euskadi ou de Madrid. Son aproximadamente 1.000 persoas as que estarán aquí durante dous días gozando de Ribadeo, da súa hostalería, da súa restauración… Ribadeo vai estar petado e vai ser unha marabilla ver como anticipamos o verán nunha fin de semana de maio”.
O rexedor subliñou o traballo conxunto realizado pola AD Veteranos do Ribadeo FC, pola Asociación de Comerciantes (Acisa) e polo Concello. E engadiu: “somos un referente internacional, xa hai equipos que se queren anotar para a vindeira edición e aínda non deu comezo esta” e agradeceu “a cesión de instalacións deportivas aos Concellos do entorno. Temos 1.500 prazas hoteleiras, e aínda así haberá algún equipo que teña que durmir en concellos próximos”.
O presidente da AD Veteranos do Ribadeo FC, Ramón S. Fernández-Reinante, dixo que “chegamos á décima edición deste torneo con 48 equipos en total, que chegan desde Francia, Béxica, Inglaterra, Turquía, Portugal, Madrid, Cantabria, León, Asturias e Galicia. O torneo disputarase en campos de Ribadeo, Barreiros, Vegadeo e Tapia”. E tivo palabras de agradecementos “para os pobos que nos ceden as súas instalacións deportivas e tamén aos equipos participantes a súa presenza. En total xuntaremos unhas 1.000 persoas, co que para Ribadeo será unha fin de semana festiva. Grazas tamén ao Concello e a Acisa pola súa colaboración”.
E o presidente da Asociación de Comerciantes, Industriais, Servizos e Autónomos de Ribadeo, Francisco Iriarte, sinalou que “desde Acisa queremos colaborar con eles, porque pensamos que é unha cousa moi importante para Ribadeo. Será unha fin de semana para a localidade. Apoiámolos en todo o que podemos desde o sector hostaleiro e queremos que conten con nós para vindeiros anos. Estamos seguros que esta décima edición será un éxito, ao igual que ocorreu nas anteriores”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
