Actividades de Nordés para 23 de maio e 12 de xuño

16 de maio de 2015.- Nordés renova o seu compromiso co Proxecto Rios e convídavos a participar na xornada de inspeccións que imos facer o vindeiro sábado 23 de maio no noso querido río Sor.

Comprobaremos si a calidade das augas seguen sendo tan boas coma nas anteriores medicións ó tempo que disfrutaremos da fermosura da natureza das súas ribeiras nos lugares de Ambosores ás 10 da mañá e Ponte Segade ás 12.

Para elo contaremos coa sempre instructiva participación do técnico de Adega, e motor do Proxecto Ríos, Paco Banhobre.

A actividade é gratuita e aberta a toda a xente que nos queira acompañar, aconsellando sempre levar a roupa e calzado apropiado, auga e algunha cousiña para xantar.

Tamén decir que, polas experiencias anteriores, a actividade é moi do agrado dos rapaces e rapazas, así que non teñades dúbidas si pensades que se van a aburrir. Xa veredes como non.

Por outro lado informamos de que se vai facer por parte de Nordés recolleita de mostras no rio Esteiro, na desembocadura na praia do mesmo nome, e no Rego da Veiga na praia de Xiloi para a súa análise e aptitude para o baño. Os resultados serán publicados nesta páxina de facebook, e tamén estarán a disposición de consulta chamando ó mesmo teléfono no que podedes avisar da asistencia: 653756454 (Ricardo).

Pero non rematan eiquí as actividades relacionadas co Medio Ambente que organiza Nordés. Para o 12 de xuño e co gallo do Día dos Océanos, desenvolveremos un amplo programa que nos ocupará todo o día dende as 10 e media da mañá na praia de Xiloi (O Vicedo), con charla, recollida de lixo, arrincado de plantas invasoras, xogos, namentras que pola tarde, e xa na Casa da Cultura do Vicedo a iso das 5 da tarde, teremos ó grupo de teatro “Os Quintilláns” cunha obra centrada na temática do día, e que nos soi vai dirixida ó rapacerío, senon tamén a pais, nais e quenes se queiran acercar.

Este programa sácase adiante facendo un esforzo económico é organizativo por parte de Nordés coa colaboura dos Colexios de O Vicedo e Mañón, que por primeira vez, que nós lembremos, van a participar de xeito conxunto nun evento, o cal énchenos de orgullo e satisfacción. E tamén, por suposto, pois sin eles non sería posibel, de Antonio Pernas, Técnico Superior en xestión e organización dos recursos naturais, e Pedro Yañez, Licenciado en Ciencias Ambientais, que serán os nosos mestres nesta xornada.

Non se esquezan amigos e amigas de Nordés: o 23 de maio vinde connosco ó río Sor por conta do Proxecto Ríos, e o 12 de xuño á praia e ó teatro no Día dos Océanos.