Lugo, 21 de maio de 2015.- A voceira do Grupo Provincial do Partido Popular, Elena Candia, denunciou este xoves pola mañá a situación vivida este mércores por parte das persoas que se presentaron ás probas de selección para acceder a un posto de traballo nas residencias públicas da Deputación. Candia cualificou o proceso de “vergoñento”.
A voceira dos populares explica que foron moitos os aspirantes que lle trasladaron as súas queixas ante este proceso que Candia considera “inadmisible e froito dunha absoluta desorganización por parte do equipo de goberno provincial e do ente responsable, Suplusa”.
A popular explica que os feitos dados onte permiten falar dunha situación “penosa e surrealista, o nunca visto nun proceso destas características e que, incluso, -matiza Candia-, provocou o abucheo á organización por parte das persoas que se presentaban ás probas”.
Candia enumera que os aspirantes trasladáronlles casos como o do reparto dos exames entre os asistentes ata media hora antes de empezar a proba, nun sobre aberto. A maiores, os exames “pouco menos parecían feitos á man, sen ser o típico exame regrado e codificado”, matiza a popular, que engadiu que o número de preguntas “nin tan sequera coincidía co exposto nas bases”.
Ao recinto, onde se realizou a proba, os aspirantes entraron con mochilas e carpetas ás que, dado a pouca vixilancia, se podía ter acceso durante os exames; a maiores de empregarse os móbiles e de non gardarse o silencio necesario para a realización deste tipo de probas e incluso, moitos dos aspirantes, tiveron que realizar os exames de pé. A isto engádense problemas coa megafonía, o que imposibilitaba que todos os asistentes escoitaran as normas para a realización das probas.
Polo tanto, “deuse un auténtico descontrol, sen a vixilancia necesaria, e sen o persoal suficiente e os expertos necesarios que permitisen resolver as dúbidas aos asistentes”. Neste senso, Candia lamenta esta situación e censura que a Deputación de Lugo e o organismo Suplusa estea a xogar coa sensibilidade da xente que se presenta a unha proba para acceder a un posto de traballo e se atopa cun “auténtico desastre”
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
