González Barcia: “o Consello Municipal de Deportes será o órgano de participación e xestión do deporte municipal”

Burela, 16 de maio de 2015.- O candidato á reelección polo PP e actual alcalde de Burela, José María González Barcia, afirmou este sábado en rolda de prensa celebrada no recinto deportivo de A Marosa, e acompañado por membros da súa candidatura, que nos vindeiros catro anos “o PP vai buscar asentar o deporte que temos, avanzar na dotación e mellora de infraestructuras, e fomentar a participación activa de clubes e colectivos na toma de decisións”.

“A tal efecto, dixo o actual rexedor, crearemos o Consello Municipal de Deportes, que terá como obxectivo xestionar as directrices do concello en materia de deportes”.

Barcia indicou que “neste Consello Municipal de Deportes haberá unha representación de todas as entidades e asociacións deportivas, co que se ganaría en transparencia e participación activa dos auténticos axentes do deporte local, os clubes e colectivos deportivos”.

Ademáis, o candidato á reelección manifestou a intención do seu partido de “deseñar e desenvolver o Plan Director Deportivo Burela 2015/2019, baseado na xestión das infraestructuras, das actividades deportivas, dos recursos humanos e da información e formación deportivas, tales como clinics e similares”.

“Este Plan, asegurou Barcia, será o referente da nosa política deportiva, xa que nel estarán priorizadas as actuacións en materia de infraestructuras, e se planificarán as demáis actuacións para marcar uns obxectivos claros que se deberán conseguir a través dun calendario de actuacións e actividades”.

González Barcia indicou que “no capítulo de inraestructuras apostamos firmemente por un novo pavillón deportivo que se financiaría a tres bandas, Xunta-Deputación-Concello; a nova cuberta para o pavillón dos Castros (cuxo proxecto xa está entregado na Xunta), e por suposto os novos vestiarios do campo de fútbol de herba artificial da Marosa”.

No que se refire ós novos vestiarios da Marosa, Barcia dixo que asumía “a responsabilidade do retraso porque eu mesmo dixen que se ían construir, e é certo que tiñan que estar acabándose, pero tamén é certo que nós fumos os que dimos o primeiro paso para que se poidan facer; espero que se comprenda que as cuestións de carácter técnico-administrativo ás veces superan ós desexos dos politicos”.

Ademáis, “o concello manterá persoal municipal nas instalacións deportivas da Marosa e nos demáis pavillóns para telas no millor estado de conservación e uso posibles, cousa que xa vimos facendo desde hai catro anos”, afirmou González Barcia. “Temos que completar os traballos de mantemento que fixemos e estamos facendo na Marosa”, dixo.
O candidato á reelección indicou que “a sinalización de rutas locáis de sendeirismo e BTT nas contornas públicas será un dos nosos obxectivos nos vindeiros catro anos; no que se se refire ós pasos de tales rutas por propiedades privadas, chegaremos a acordos cos propietarios a tal fin”.

Finalmente, José María González Barcia dixo que “o PP manterá as Escolas Deportivas Municipáis mantendo a súa gratuidade e tentaremos aumentar a súa oferta”. “Ademáis, dixo, iremos incrementado paulatinamente, e a medida que o permita a economía municipal, as subvencións económicas ós clubes e demáis entidades deportivas”.