A Mariña, 7 de maio de 2015.- O BNG preséntase ás eleccións do vindeiro 24 de maio na comarca da Mariña co obxectivo de mellorar os resultados acadados hai catro anos, nos que os nacionalistas conseguiron máis de 10.000 votos na comarca, unha porcentaxe próxima ao 20%, 35 concelleiros, un deputado provincial, o actual vicepresidente da Deputación Antonio Veiga, e as alcaldías de Ribadeo, Mondoñedo e Riotorto.
“O BNG é unha forza política de referencia na comarca da Mariña porque os veciños e veciñas saben que a xente do Bloque somos de fiar e somos unha garantía para os Concellos da Mariña, unha garantía de seriedade, transparencia, honradez e bo goberno para todos os Concellos e demostrámolo”, afirma a responsable comarcal do BNG, Ana Ermida.
Os nacionalistas farán unha campaña participativa e de contacto directo cos veciños e veciñas, que arrincará hoxe con pegadas de carteis nas principais vilas da Mariña e que estará centrada nos temas da comarca, cun discurso centrado na defensa dos servizos públicos fronte aos recortes acometidos polos gobernos do Partido Popular, no impulso á democracia e a transparencia para poñer os Concellos ao servizo dos veciños e veciñas e en destacar o bo traballo feito polos gobernos do BNG nas alcaldías de Ribadeo, Mondoñedo e Riotorto.
Presenza de Xavier Vence e outros cargos nacionalistas na Mariña durante a campaña
O voceiro nacional do BNG, Xavier Vence, visitará a comarca o vindeiro mércores, día 13, e o 17 estará en Mondoñedo e Viveiro o portavoz nacionalista no Parlamento Galego, Francisco Jorquera. O responsable de pesca do BNG no Parlamento, Dani Rodas, estará en Burela o día 15, a eurodeputada do BNG Ana Miranda o 19 en Ribadeo e o parlamentario Cosme Pombo o 20 en Barreiros. Tamén o vicepresidente da Deputación, Antonio Veiga, fará unha intensa campaña na comarca, con diversos actos, para destacar o seu traballo á fronte da Vicepresidencia da Deputación, que atendeu de maneira moi especial a comarca da Mariña nestes anos.
200 persoas integran as listas do Bloque na comarca
A responsable comarcal do BNG destaca “o compromiso das persoas que integran as candidaturas do BNG” e explica que “a frescura e a presenza da mocidade son protagonistas nas listas do Bloque na Mariña”, onde das máis de 200 persoas que integran as candidaturas nacionalistas máis da metade son persoas independentes que non militan no BNG e en moitos casos que nunca participaran en política. Outro dos datos que destaca Ana Ermida é que a media de idade das persoas cabeza de lista non supera de media os 35 anos, algo que evidencia que “o Bloque é unha forza de futuro e en ascenso na Mariña”.
MURAS: Manuel Requeixo Arnexo
O VICEDO: Adrián Piñón Domínguez
VIVEIRO: Bernardo Fraga Galdo
XOVE: Marco López López
CERVO: Ramón Luís Bernardo Ínsua
BURELA: Mario Pillado Mon
FOZ: Lorena Seivane García
BARREIROS: Ana Ermida Igrexas
RIBADEO: Fernando Suárez Barcia
TRABADA: María Xosé Fernández Fernández
A PONTENOVA: Mónica Rancaño Freire
RIOTORTO: Federico Gutiérrez Estoa
O VALADOURO: Eduardo Chao González
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
