Cervo, 15 de maio de 2015.- Os populares revelaron a través de datos a falta de compromiso de socialistas e nacionalistas co concello de Cervo o que, segundo o secretario xeral dos populares lucenses, José Manuel Balseiro, os deslexitima a pedir o voto.
O único partido que amosou durante estes anos un forte compromiso con este municipio é o Partido Popular, precisou Balseiro, que “tanto a nivel local, como autonómico e estatal realizou un forte esforzo inversor en Cervo a pesar da crise”.
Así o puxo de manifesto o popular, unha afirmación que corroborou con datos, durante o mitin celebrado no salón de plenos do Concello e no que interviron, ademais de José Manuel Balseiro, o conselleiro de Educación, Román Rodríguez, e o alcaldable popular, Alfonso Villares.
A Deputación non existe para Cervo
José Manuel Balseiro reincidiu en que a Deputación de Lugo (PSOE e BNG) non existiu durante estes anos para Cervo, ata o punto de que a súa vicepresidenta, Lara Méndez, chegou a votar en contra de iniciativas que repercutirían no benestar dos veciños do municipio.
Con datos na man, o secretario xeral dos populares lucenses revelou que a Xunta de Galicia achegou ao municipio un investimento 54 veces superior ao da Deputación. “Estamos a falar de 39 millóns de euros fronte a 728.000 euros”, matizou Balseiro, quen engadiu que “son cifras que non admiten comparación”.
“Os socialistas e nacionalistas gobernaron durante oito anos de costas a este municipio ao que castigaron reiteradamente e, en áreas, como a de servizos sociais, teñen unha débeda contraída coa administración local”, asegurou o secretario xeral en relación á que a Deputación de Lugo está a incumprir a lexislación vixente nesta área ao non financiar, polo tanto, o SAF maioritariamente.
O compromiso da Xunta de Galicia coa Mariña e con Cervo en particular é claro. Balseiro citou a “ampliación do hospital da Costa, o gasoduto da Mariña, o primeiro tramo do corredor lucense da Costa (Celeiro-San Ciprián…”, eengadiu que “se do PSOE e do BNG se tratase hoxe estaría vetada a posibilidade de xerar emprego coa ampliación das piscifactorías situadas no polígono de Cuíña, anunciada por Feijóo”
Traballo do goberno local
O secretario xeral dos populares lucenses pediu o voto para o PP local e para Alfonso Villares do que salientou “o forte compromiso” cos cervenses ao longo deste anos durante os que saneouse a facenda local sen reducir servizos, ao contrario, entre outros, puxéronse en marcha escolas deportivas, abríronse novos centros sociais, construíuse a praza dos Campos, remodelouse o parque da capitalidade municipal, creáronse liñas de axudas para estudantes, centros educativos, Anpas e clubs deportivos e entidades deportivas…
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
