Lugo, 14 de maio de 2015.- O PSOE da provincia de Lugo denuncia que aos membros das listas electorais traballadores de Correos negóuselles, de xeito inxustificado por parte da sociedade estatal, o permiso laboral retribuído ao que teñen dereito durante a campaña como funcionarios públicos. Un permiso que lles fora concedido, ata o de agora, a todos os candidatos e suplentes proclamados polas diferentes Xuntas Electorais nos procesos de ámbito estatal, autonómico ou municipal.
Un permiso que é un dereito, que non pode limitarse ou reducirse, que ten unha duración de 15 días coincidentes co período de campaña e que debe ser integramente concedido ao funcionario ou traballador que o solicite.
Neste senso cabe lembrar que os funcionarios públicos, durante a campaña electoral teñen, os dereitos recoñecidos polo RD 421/1991, de 5 de abril , en relación co artigo 30.2 da Ley 30/1984, de 2 de agosto, de Medidas de Reforma da Función Pública. Asemade, no caso que nos ocupa, ao non considerarse a suxeición do persoal laboral da Sociedade Estatal de Correos y Telégrafos, S.A a normativa relativa aos empregados públicos, estaríase a vulnerar o artigo 37.3 do Real Decreto 1/1995, de 24 de marzo polo que se aproba o texto da Lei do Estatuto dos Traballadores. Así o traballador tería dereito “previo aviso e xustificación a ausentarse polo tempo indispensable para o cumprimento dun deber inescusable de carácter público e persoal, comprendido o exercicio do sufraxio activo. Cando conste nunha norma legal ou convencional nun período determinado”.
Atendendo a lexislación vixente, o PSOE da provincia de Lugo ven de presentar un escrito ante a Xunta Electoral para que se dea cumprimento á lexislación electoral concedendo con elo o permiso de 15 días aos integrantes das listas afectados pola decisión de Correos. No caso contrario, a sociedade do servizo postal público estaría a incorrer nun delito electoral, xa que a que mudou foi a condición da empresa, non a dos traballadores que seguen a ser funcionarios públicos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
