Ribadeo 13 de maio de 2015.- O candidato do Partido Popular á alcaldía de Ribadeo, Jesús López Penabad, destaca o forte compromiso do seu partido co sector comercial e de servizos, e neste senso, proporá a creación dunha concellería de comercio “para o seu impulso e a atención directa as súas necesidades”.
Ademais da creación da figura do edil de comercio, os populares tamén impulsarán o respaldo institucional ao comercio local (Centro Comercial Aberto) e á hostalería local (mellora ordenación municipal de terrazas); e potenciarán os mercados tradicionais con produtos da horta e apoiarán á Praza de Abastos.
Impulso á economía local
No seu programa electoral, López Penabad fai un forte fincapé na aposta por iniciativas dirixidas á creación de postos de traballo e, polo tanto, ao impulso da economía e da industria local.
Polo tanto, os populares poñerán en valor os sectores estratéxicos que favorecen a economía de Ribadeo e, a maiores do sector comercial e servizos, os populares tamén impulsarán iniciativas de aposta pola agricultura, a gandería ou a pesca
Apoio aos desempregados
Estas liñas de actuación teñen unha prioridade fundamental que é a de crear emprego. Neste senso ademais de poñer en valor e de apoiar aos sectores produtivos locais; Jesús López Penabad impulsará actuacións como son a recuperación dos obradoiros de emprego; a oferta de cursos de formación ligados ao tecido socioeconómico de Ribadeo para desempregados sen titulación ou contará preferentemente cos parados do concello para a execución das obras municipais.
Creación de emprego
A maiores, o candidato popular anuncia que se desenvolverán estudios de viabilidade a pequenos e medianos empresarios e se apoiarán aos novos emprendedores económica e institucionalmente; así potenciarase o polígono industrial para a procura de novas empresas ademais de impulsar o cooperativismo.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
