RIBADEO, 6 DE MAIO DE 2015.- O candidato do PSdeG-PSOE á alcaldía de Ribadeo -Roberto Ramos Piñeiro- comprométese a compensar o desequilibrio en servizos e investimentos que hai entre a vila e as parroquias do concello. Os socialistas ribadenses acaban de rematar unha rolda de reunións que mantivo coas asociacións de veciños do municipio.
Roberto Ramos explicou que “o desequilibrio entre as parroquias e a vila é unha das queixas que recibimos en todas as reunións que realizamos coas asociacións de veciños das parroquias, rolda de xuntanzas que finalizamos esta semana. Tamén recibimos queixas por non convocarse durante varios anos a mesa de asociacións de veciños, o que lles fai sentirse non escoitados. Sabemos que aproximadamente o 90% da extensión do noso municipio son as parroquias, nas que vive case o 40% da poboación. Existe un importante desequilibro en servizos e en investimentos entre a vila e as parroquias e nós queremos compensalo”.
O alcaldable socialista engadiu que “é fundamental coidar as nosas parroquias, as súas pistas de estradas e os seus servizos básicos: saneamento, traída de auga, alumeados, …. Nós comprometémonos a levar a cabo o mantemento e adecuación de todas as estradas e pistas pertencentes ao Concello e a xestionar ante as distintas administracións que sexan titulares doutras vías que tamén se realice nelas o mantemento axeitado”. Neste senso, indicou que “renovaremos a traída de auga e ampliaremos a rede de alumeado, especialmente nas parroquias, e destinaremos unha cuadrilla de persoal no servizo de obras para que realice labores de mantemento e reparacións exclusivamente nas parroquias”.
Outro tema que xurdiu nestas reunións coas asociacións de veciños é o da rede de saneamento. “Iniciaremos un ambicioso proxecto para prover de rede de saneamento a todo o municipio. Sabemos que se trata dun investimento moi importante pero debemos proxectalo xa e ir desenvolvéndoo pouco a pouco, pero sen pausa”, afirma.
Roberto Ramos comentou ademais que “tamén ampliaremos o servizo de limpeza e mantemento de mobiliario urbano, rúas, beirarrúas, áreas recreativas e cemiterio. E ampliaremos o servizo de recollida de residuos, aparellos e plásticos, ademais do lavado dos colectores de lixo, especialmente nas parroquias. Impartiranse cursos e obradoiros itinerantes nos teleclubes e comprométome a visitar polo menos cada tres meses todas as parroquias. Outro tema importante é a limpeza periódica dos ríos, polo que nos encargaremos de xestionar ante as administracións que competa este labor para solucionar dunha vez este asunto”.
O candidato socialista á alcaldía de Ribadeo rematou manifestando que “en definitiva trátase de devolver ás parroquias o protagonismo que se merecen e do que foron despoxadas nestes últimos anos”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
