A Deputación resolveu o Ben Empregado 1, un macroproxecto de fomento do emprego co que 248 desempregados lucenses acadaron un posto de traballo de calidade, posto que os seus contratos inclúen claúsulas sociais, en 219 entidades e asociacións sen ánimo de lucro da provincia. A través do Ben Empregado 1, o organismo provincial subvenciona a contratación de ditos traballadores durante un ano con 4,4 millóns de euros.
O voceiro provincial socialista en funcións, Manuel Martínez, adiantou este venres na rolda de prensa posterior á Xunta de Goberno da Deputación que “o vindeiro luns, 1 de xuño, outros 76 lucenses desempregados, xunto con representantes das 47 empresas e entidades sen ánimo de lucro da provincia coas que asinarán os seus contratos laborais de xeito inmediato –a vindeira semana-, recibirán unha xornada formativa no Salón de Actos da Deputación”.
Martínez explicou que se tratan dos derradeiros beneficiados do Ben Empregado 1, que se suman aos 162 que xa accederon aos seus novos postos de emprego con esta programación, así como a outras 10 persoas cuxa contratación está a resolver o INEM. O voceiro salientou que “son, polo tanto, un total de 248 lucenses desempregados os que se insertan laboralmente na provincia co Ben Empregado 1”.
Ben Empregado 2
A Deputación continúa co desenvolvemento do Ben Empregado 2, a segunda edición deste macropoxecto que dará emprego de calidade a outros 350 lucenses desempregados. Neste caso, o organismo provincial subvenciona a súa contratación con 6 millóns de euros. O voceiro informou que “neste momento, estamos a avaliar as solicitudes presentadas polas máis de 1.700 entidades e asociacións sen ánimo de lucro da provincia que queren participan no Ben Empregado 2 e nas que traballarán os 350 lucenses desempregados que, posteriormente -é dicir, coñecidas as empresas e colectivos participantes, así como os perfís dos traballadores que buscan, e celebrados os procesos públicos de selección-, resulten beneficiados da segunda edición do Ben Empregado”.
Preto de 11 millóns de euros
A Deputación de Lugo, tal e como solicitaron os veciños nos Orzamentos Participativos da Deputación, os primeiros dunha institución en España, ofrece este programa de fomento do emprego co que busca, por unha banda, reducir o número de desempregados na provincia e, por outra, crear postos de traballo estables e de calidade.
Así, o organismo provincial dá, mediante as dúas edicións desta programación, traballo de calidade a case 600 lucenses desempregados, subvencionando a súa contratación durante un ano en empresas e entidades sen ánimo de lucro da provincia de Lugo, con preto de 11 millóns de euros (4,4 millóns de euros do Ben Empregado 1, e 6 millóns de euros do Ben Empregado 2).
O organismo provincial subvenciona ás empresas a totalidade dos custes salariais e de Seguridade Social dos traballadores durante un ano, con achegas de ata 22.000 euros por persoa, sendo a maior axuda que concede unha administración en Galicia para fomentar a contratación do persoal. Serán empregos de calidade, porque as entidades beneficiarias terán a obriga de incorporar cláusulas sociais en todos os contratos, blindando os dereitos dos traballadores. E serán tamén axeitados ás necesidades reais da provincia, unindo directamente a oferta coa demanda logo de escoitar aos tecidos asociativo e empresarial.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
