Resultados de Iadovi no Campionato Galego de Tiro con Arco en aire libre (A Coruña)

Foz, 17 de maio de 2015.- O sábado 16 do presente mes e ano se celebro nas instalacións da Universidade da Coruña o Campionato Galego de tiro con arco en aire libre para as categorías cadete, cría, benxamín e esquío. A nosa canteira desprazada ao evento logrou dous campións galegos. Na categoría Cría na súa primeira participación en aire libre nesta categoría competían: Beatriz Melo Botelho que obtiña a cuarta praza cunha puntuación de 324 sobre unha máxima de 720. O cambio de categoría fíxose notar en Bea, xa que se enfrontou ás dúas distancias de aire libre (30 e 18 metros). Por outra parte o seu compañeiro Anxo Galante Briones acusaba menos o cambio logrando ser o primeiro en ser proclamado Campión Galego ao lograr unha puntuación de 619. Venticuatro puntos máis que o actual campión galego en sala, David Vallejo Martínez del Club Arqueros de Cambre; ocasión na que Anxo se tenia que conformar coa segunda praza tan só por un punto de diferenza.

Na categoría cadete Francisco Melo Botelho clasificábase quinto cunha puntuación de 486, dous menos que a obtida no último encontro da liga nacional de cadetes. Caía nas series eliminatorias tras lograr unha pequena vantaxe contra Pedro Pina Menendez del Club Arco Ferrol, o encontro finalizaría 3 a 7 puntos de set en contra do noso arqueiro. Gabriel Galante Briones foi o segundo en ser proclamado Campión Galego tras encabezar as series clasificatorias con 604 puntos, e vencer no terceiro encontro das series eliminatorias a Taylor Murias Azebedo do Club Arcobarco (Barco de Valdeorras- Ourense) por 6 a 4 puntos de set.