Viveiro, 20 de maio de 2015.- Tal e como avanzamos no seu día, e dado o carácter aberto do noso programa, facemos achega da análise de infraestructuras e transporte público que sofre Viveiro, froito do debate asambleario da coalición e das aportacións recollidas das xuntanzas que mantivemos con colectivos e asociacións con diferentes inquedanzas.
Para contextualizar a situación actual que padece Viveiro, é preciso lembrar que temos conexión ferroviaria – mal aproveitada e extenuada case ata a súa desaparición – desde o ano 1968, ano da súa inauguración. Actualmente, e con todas as melloras que houbo, seguimos estando aproximadamente a dúas horas de viaxe se queremos desprazarnos por este medio a Ferrol, o que fai que quede relegado a usos de ocio e recreo, e non como un recurso prioritario que deberiamos usar para vertebrar Galicia e xerar o dinamismo movilizador que esixen os tempos actuais, tanto para o transporte de persoas como para o de mercadorías. O feito de que moitos tramos de vía sigan sen electrificar é indicativo de que desde as diferentes administracións non teñen nigunha intención de apostar por este medio de transporte que ben formulado podería ser unha alternativa de transporte económica e das máis sostibles medioambientalmente.
No tocante ao transporte por estrada, hai que lembrar ao señor Fraga e agradecerlle ao PP o ter decidido no seu momento levar a Autopista do Cantábrico por Vilalba, deixando gran parte da Mariña Occidental mal comunicada. No seu día, prometeuse a construción dunha vía de alta capacidade en lugar de autovía. O propio Feijóo, sendo conselleiro, comprometeuse a ter rematado o tramo de 8 quilómetros que pasa por Xove no 2007. Agora parece ser que o tramo Celeiro-San Cibrao estará rematado para o 2017, nada máis e nada menos que con dez anos de retraso desde as previsións iniciais.
No que respecta á variante de Viveiro, lembrar que a primeira información pública é do ano 2003, e desde entón nada foron capaces de facer os diferentes gobernos municipais do PSOE por desatascar esta situación e sacar a Viveiro da situación de illamento que sofre desde o punto de vista das comunicacións e infraestructuras. Entendemos que empresas como Portos de Celeiro, S. A., Vestas, López Pigueiras, etc., así como todo o pequeno comercio que vive en grande medida non só das veciñas e veciños de Viveiro senón tamén das persoas que deciden visitar a cidade, ben se merecen unha aposta decidida por mudar dunha vez esta situación e conectar Viveiro co resto da provincia e do país.
Por todo o esposto con anterioridade, dende SON VIVEIRO comprometémonos:
– A loitar por desatascar a actual situación que sofre a variante de Viveiro.
– A presionar á Xunta, asi como ao resto de administracións implicadas, para acelerar no posible a construción da vía rápida.
– Dinamizar no posible as conexión ferroviarias co resto da provincia para facer deste medio de transporte unha alternativa real aos desprazamentos por estrada.
– Estudar unha alternativa de transporte público para Viveiro e os seus arredores que minimice o uso de transporte privado tan estendido e normalizado na actualidade. O uso de transporte privado non é unha alternativa medioambientalmente sostible no tempo, así como tampouco é posible cubrir a maior demanda de prazas de aparcadoiro.
– Suprimir todas as barreiras arquitectónicas que hai no concello, facilitando a libre circulación de persoas. Os espazos urbanos teñen que estar pensados e deseñados para o goce das persoas na súa condición de peóns e non como condutores.
– Dinamizar o uso de medios de transporte alternativos como a bicicleta, creando espazos e priorizando a súa circulación aos vehículos a motor. Valoraremos a creación dun servizo de aluguer de bicicletas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
