O vindeiro venres 26 de xuño comeza nas cidades de A Coruña e Viveiro a rodaxe da longametraxe Dhogs, película de ficción da produtora meirega Gaitafilmes coa coprodución de Pixelfilms.
Dhogs é unha película de historias diferentes que xiran en torno á figura de Alex, unha fermosa muller que se verá atrapada nunha espiral de inexplicables acontecementos.
O guion, escrito e dirixido por Andrés Goteira conecta seis tramas que alternan a intriga, a obsesión e a violencia. Un rapaz introvertido e a súa nai alcohólica, un taxista apático, un excarcelario, unha fermosa muller, un home de negocios e un vello exmilitar.
As diversas situacións que teñen lugar no transcurso da historia conducen a unha ruda mensaxe que, sutilmente, invita a meditar sobre os propios fundamentos da realidade, o libre albedrío e as ríxidas imposicións da censura social.
A película está protagonizada pola actriz lucense Melania Cruz, no papel de Alex, que sustitúe a Marta Larralde, debido a incompatibilidade de axendas. Entre o elenco de actores figuran nomes da talla de Carlos Blanco, Antonio Durán Morris, Iván Marcos, María Costas ou Celso Bugallo, entre outros. Ademais, para o sábado 27 está previsto que se rode unha escena no teatro Pastor Díaz que contará con máis de 100 extras.
A rodaxe comezará o venres 26 na cidade da Coruña e continuará os días 27 e 28 de xuño en Viveiro. Asemade, o día 28 gravarase unha secuencia nunha nave das Pontes de García Rodríguez. Finalmente, dende o 29 de xuño ata o 1 de xullo o escenario será de novo a cidade herculina. Nestes seis días filmarase a primeira fase da rodaxe de Dhogs, que se completará nunha segunda fase con localizacións desérticas, para a que aínda non hai datas confirmadas.
O filme Dhogs conta co patrocinio da Deputación Provincial de Lugo, o Concello de Meira, Galipizza e Cervexa Ancora e a colaboración, entre outros, dos concellos de A Coruña e Viveiro. Ademais, a produtora agradece todo o apoio dos máis de 200 mecenas que xa forman parte de Dhogs, así como de todas as persoas que dun ou outro xeito fan posible que este proxecto saia adiante.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
