Madrid, 23 de xullo de 2015.- O Ministerio de Fomento reuniuse este xoves cun total de 19 empresas do ámbito das infraestruturas e da I+D, 3 universidades e representantes de 5 organizacións relacionadas co sector, no marco da Consulta Preliminar do Mercado, para a busca e implantación dunha solución innovadora contra a néboa densa que se produce no tramo da A-8 entre Mondoñedo e A Xesta (Lugo).
Tras analizar os problemas dos bancos de néboa densa que afectan ao tráfico da A-8, o Ministerio de Economía e Competitividade (MINECO) ilustrou o procedemento identificado como o máis axeitado para a posible contratación da solución tecnolóxica: a Compra Pública Innovadora.
A continuación, explicouse en detalle a fase actual do procedemento, a Consulta Preliminar do Mercado, contando así mesmo coa participación do Centro para o Desenvolvemento Tecnolóxico Industrial (CDTI) para a exposición do mecanismo de financiamento Innodemanda habilitado nesta fase.
A Consulta Preliminar do Mercado é o primeiro paso no proceso de Compra Pública Innovadora.
Este tipo de procedemento de Consulta Preliminar do Mercado é a primeira vez que se utiliza en España, e se basea no artigo 40 da Directiva 2014/24/UE do Parlamento Europeo e do Consello, do 26 de febreiro de 2014, sobre contratación pública, que posibilita aos poderes adxudicadores a realización de consultas ao mercado antes de iniciar un procedemento de contratación, con vistas a preparar a licitación e informar as empresas acerca dos seus plans e os seus requisitos, conforme aos principios de non discriminación, transparencia e igualdade de trato.
A pesar de que no tramo mencionado da A-8 están instaladas a práctica totalidade das medidas dispoñibles en materia de xestión e explotación de estradas en episodios de meteoroloxía adversa (néboa densa), para garantir a seguridade vial prodúcense cortes cando a visibilidade fai inviable a circulación segura, polo que o Ministerio de Fomento quere buscar solucións innovadoras, non presentes no mercado na actualidade, para minimizar este problema.
As solucións que se formulen nesta Consulta Preliminar do Mercado deberán asegurar que o condutor dispoña da visibilidade axeitada á tipoloxía de vía e o seu grao de desenvolvemento deberá asegurar a eficacia da medida, así como o cumprimento de toda a lexislación aplicable a estradas en servizo e seguridade vial.
Os participantes na Consulta Preliminar do Mercado poderán acollerse ao Programa Innodemanda de Compra Pública Innovadora del Centro para o Desenvolvemento Tecnolóxico Industrial (CDTI), que permite o financiamento dos proxectos innovadores.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
