Burela, 31 de Xullo de 2015.- Este pasado xoves celebrouse o primeiro pleno ordinario da lexislatura que comeza en Burela, mais o BNG local segue a traballar arreo para os veciños e as veciñas da vila, sen importarlle quen ostenta o goberno municipal. No orde do día os temas a tratar non presentaban mais interés que o puramente administrativo, pero o portavoz nacionalista, Mario Pillado, solicitou a inmediata modificación da relación de postos de traballo (RPT) posto que un informe de secretaría falaba das súas carencias.
Foi na quenda de mocións cando o BNG tomou a batuta defendendo unha moción en apoio ó sector lácteo, que foi aprobada por unanimidade, mais outra para a reforma, restauración, reestructuración e regulación da Praza de Abastos, que o equipo de goberno rexeitou por non ter medios actualmente para levar a cabo todos os compromisos pero na que o alcalde deu a súa palabra para cumplir con parte dos acordos, como son arranxar as deficiencias máis graves que presenta o edificio e crear o regulamento de uso para que todas as asociacións e colectivos podan empregar a instalación de xeito eficiente e razonable, así como marcar as condicións nas que as entidades privadas utilizan a Praza.
Foi na parte mais ambiciosa da moción, a que ten que ver coa reestructuración e restauración do edificio na que mais problemas puzo o equipo de goberno, aínda que nos acordos se contemplaba un período longo de tempo para levar a cabo as obras e o posible financiamento doutras administracións. “Críamos que non habería problema para que se aprobase esta moción, pero semella que a situación económica do concello non está tan ben como algún decían; aínda así vixiaremos que o señor Llano faga valer a súa palabra e leve a cabo os acordos que si comprometeu” salientou Pillado.
Barcia seguía cobrando dietas en 2015 ata os 900 euros ó mes
No turno de rogos e preguntas, o portavoz do Bloque comezou salientando que ó revisar as facturas que se atopaban entre a documentación do pleno se atopaban un monte delas correspondentes a dietas e desprazamentos do ex-rexidor burelao, González Barcia, ata un total de 4581 euros nos cinco primeiros meses do ano, parte delas despois das eleccións, sabedor xa de que non continuaría como alcalde. Para o portavoz do BNG “parécenos impresentable cando agora se nos está a decir que hai obras como a dos vestiarios dos campo de herba artificial da Marosa ou a remodelación da Praza de Abastos que non se levan a cabo porque non hai fondos nas arcas municipais, mentres este señor se dedicou a gastar os cartos das burelás e dos burelaos, obtendo na práctica un sobresoldo duns 900 euros mensuais”.
Tamén solicitaron os nacionalistas a retirada da placa de Jaume Matas que figura no paseo marítimo e que por parte do propio concello de Burela se encargue unha auditoría para comprobar o estado real das contas.
As preguntas realizadas foron para ver a posibilidade de habilitar un recinto pechado para a Sociedade Protectora de Animais “Bigotes” mentres non se cumpren as súas demandas, para interesarse pola posibilidade de se celebraren eleccións á dirección da Escola de Música e, en caso contrario, modificar os estatutos para que se podan celebrar, para saber cal é o estado da praia de Ril derivado dunha análise da auga desa praia que deu resultado negativo; por último os nacionalistas preguntaron pola posibilidade de aumentar a oferta de aparcadoiros públicos, que xa están funcionando con bastante éxito na vila, en concreto no fondo da rúa do Río.
En conclusión, o BNG comeza tomando a iniciativa desta lexislatura no concello de Burela e levando as inquedanzas en xeral dos veciños ó salón de plenos do consistorio burelao.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.