Lourenzá, 16 de xullo de 2015.- No pleno extraordinario da corporación municipal de Lourenzá celebrado este xoves trataranse as propostas da alcaldesa, Rocío López García, para reducir as indemnizacións por gastos de desprazamento dos concelleiros e a periodicidade das sesións plenarias da corporación, que se celebrarán cada dous meses ás oito tarde.
A rexedora explicou que os plenos ordinarios da corporación municipal convocaranse para o terceiro xoves dos meses de xaneiro, marzo, maio, xullo, setembro e novembro ás 20 horas.
Tamén avanzou que as indemnizacións por gastos de desprazamento dos concelleiros no seu vehículo fixaranse en 0,19 euros por quilómetro, “polo que se rebaixan con respecto ao período anterior, cando era de 0,21 euros por quilómetro; agora serán igual que as que reciben por este concepto as traballadoras do servizo de asistencia a domicilio”, comentou Rocío López.
En canto ao nomeamento de representantes do Concello en órganos colexiados competencia do pleno, a proposta da alcaldesa é que na Fundación San Salvador sexa a propia rexedora e María Mercedes Dengra Sixto; no consello escolar do colexio, a alcaldesa e Manuel Arango Ron; na Mancomunidade de Municipios da Mariña, a rexedora e Francisco Dasilva Rivas; e no Grupo de Desenvolvemento Rural, a propia Rocío López e Miguel Castrillón Fernández.
Por outra parte, a alcaldesa ocuparase das áreas de Contas, Facenda, Desenvolvemento Económico, Persoal e Réxime Interno; o primeiro tenente de alcalde, Manuel Arango Ron, levará Educación, Cultura, Normalización Lingüística e Participación Cidadá; o segundo tenente de alcalde, Carlos Rivas Rivas, encargarase das delegacións de Obras, Urbanismo, Infraestruturas e Tráfico; Mercedes Dengra Sixto será a concelleira de Benestar Social, Sanidade, Emprego e Comercio; Francisco Dasilva Rivas ocuparase de Deporte, Xuventude e Festexos; e Miguel Castrillón Fernández será o delegado de Medio Ambiente, Desenvolvemento Rural e Patrimonio.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
