Ribadeo, 29 de xullo de 2015.- O Grupo Municipal do PSdeG-PSOE de Ribadeo ven de presentar ante o Concello un INFORME DE INSPECCIÓN (Expediente Nº 2571/1) encargado polo devandito grupo á empresa Strow Parques Infantiles, S.L., acreditada co número 244/EI368 para actividades de inspección na área de parques infantís segundo os criterios recollidos na norma UNE-EN ISO/IEC 17020.
Segundo o informe emitido por dita entidade, derivado dunha inspección realizada o 17 de xullo de 2015 e que está a disposición dos interesados na páxina web do PSOE de Ribadeo (agrupacionpsoeribadeo.es), as instalacións do parque infantil de San Francisco presentan unha serie de irregularidades de carácter grave que fan que as instalacións non sexan conformes ca normativa vixente.
En relación ó equipamento, detéctanse ata ONCE DEFICIENCIAS calificadas como de “non conformidade” cuxa subsanación, por representar un risco evidente para os nenos e as nenas, é imprescindible para a concesión da Declaración de Conformidade. Entre estas deficiencias, atópanse:
– Aristas cortantes nas áreas de xogos, concretamente ó redor das árbores, con grave risco de lesión.
– Posibilidade de atrapamento dos dedos entre as unións das cadeas cos columpios.
– Posibilidade de atrapamento dos dedos entre as unións das cadeas cos columpios e as unións das cadeas cos bastidores.
– Cravos e terminacións da tornillería que sobresaen e compoñentes con bordes afiados ou puntiagudos.
– Astillamentos e roturas nas madeiras dos equipos.
– Pezas rotas e desgastadas na rede piramidal.
– Non se respectan os espazos de caída dalgún dos equipos con respecto ó banco mais próximo.
– Nos equipos con altura de caída superior a 600 mm. ou con movemento forzado debe haber unha superficie de amortiguación sobre a totalidade da área de impacto que non existe en todos os aparatos.
– Nalgunha das instalacións, a superficie amortiguadora instalada na área para a absorción de impactos non cumpre cos requisitos esixidos pola norma UNE EN 1177-2009
– Cambiaronse algúns elementos das instalacións existentes e agora non cumpren ca normativa vixente.
Asemade, téñense detectado determinadas desviacións da norma que, a pesar de non constituír risco grave para os menores, deben ser corrixidas para ser avaliadas nunha inspección posterior (a maioría destas últimas correspóndese ca falta de placa identificativa nos elementos do parque, obrigatoria segundo o artigo 8 do Decreto 245/2003).
Á vista de todo isto que, evidentemente pon en risco a integridade física dos nenos e das nenas, o Grupo Municipal socialista ven de solicitar ó Concello que aclare publicamente se o parque conta ca preceptiva DECLARACIÓN DE CONFORMIDADE, que se tomen URXENTEMENTE as medidas necesarias para solventar as deficiencias manifestadas no informe de inspección ante o risco que supoñen para os nenos e as nenas, e que se depuren RESPONSABILIDADES segundo corresponda ca empresa instaladora e co responsable da concellería de obras
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
