Cervo, 31 de xullo de 2015.- O pleno ordinario da corporación municipal de Cervo, que se celebrará este venres ás 19 horas, tratará a aprobación dun suplemento de crédito por importe de 315.000 euros. Esta cantidade destinarase a diversas partidas, entre elas unha de 50.000 euros para o fomento do emprego a través de becas de formación. Así o destacou a concelleira de Facenda, Dolores García Caramés.
“Vamos levar a aprobación un suplemento de crédito por un importe de 315.000 euros, que proveñen dun remanente de tesourería do ano anterior, dun diñeiro que quedou de xeito positivo nas contas. Vamos destinar estes 315.000 euros a suplementar distintas partidas de crédito do noso presuposto, porque algunhas delas quedaron cortas por como foi transcorrendo o ano. Son varias partidas: hai unha cantidade importante para a de obras, duns 90.000 euros; hai outra, moi importante tamén, en concreto para o fomento do emprego, de 50.000 euros; despois unha de cultura con 5.000 euros; e para deportes en torno a outros 90.000 euros. En total son eses 315.00 euros, que é un diñeiro que é parte do remanente de tesourería que ten o Concello de Cervo pola boa xestión económica que estamos a facer durante estes anos”, explicou Dolores García.
A concelleira de Facenda tamén destacou outro punto que se leva a aprobación no pleno de hoxe: “unha transferencia de crédito por un total de 35.000 euros, que neste caso é entre distintas áreas de gasto. Estes 35.000 euros parten da partida orzamentaria dos intereses de préstamos, o que quere dicir que o feito de que amortizáramos anticipadamente uns préstamos permitiu aforrar un diñeiro en intereses. Neste caso non é o total do que aforramos en intereses, que é máis, pero en concreto esta partida de 35.000 euros é a que modificamos para destinala a outros gastos diversos, sobre todo á partida na que se engloba a administración xeral do Concello de Cervo”.
García Caramés rematou explicando que “se trata de dous asuntos económicos importantes que hoxe vamos someter ao pleno. Desta maneira seguimos a manter todos os servizos públicos que temos no Concello de Cervo e ao mesmo tempo continuamos aportando un diñeiro que xurde da boa xestión económica que estamos levando adiante”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
