Lugo 18 de agosto de 2015.- Logo das declaracións do deputado, Pablo Rivera, sobre a execución do proxecto “Lugo – Pacto Provincial polo Emprego II”, o voceiro do grupo provincial popular, Carlos Armesto, acusou ao socialista de pretender tapar a súa incompetencia coas acusacións manifestadas este mesmo luns.
Armesto fixo unha cronoloxía dos feitos e explicou que o 10 de febreiro de 2012 o Ministerio de Facenda e Administracións Públicas comunicou ao anterior goberno bipartito a aprobación definitiva do proxecto “Lugo – Pacto Provincial polo Emprego II”. Un mes despois, concretamente o 7 de marzo de 2012, a Deputación foi notificada coas instrucións para desenvolver o proxecto. Engadiu o popular que non foi ata o 3 de outubro de 2014, dous anos e oito meses despois, cando se aprobou a adxudicación as empresas formadoras os itinerarios integrados de inserción socio laboral e foi o nove de decembro de 2014 comezaron os cursos, dous anos e dez meses despois da aprobación inicial do proxecto.
Insiste o voceiro popular na Deputación que esta irresponsable tardanza na execución do proxecto, de case tres anos, é sen dúbida froito de poñer ao fronte da execución do mesmo ao deputado Pablo Rivera, naquel momento persoal eventual e de confianza de José Ramón Gómez Besteiro.
“Acudir a persoal eventual, que non ten acreditada a súa capacidade para xestionar este tipo de programas é, ademais dunha ilegalidade, unha irresponsabilidade que agora estamos a pagar”- manifestou.
Armesto tamén insistiu en que o deputado Pablo Rivera, ben por ignorancia ou ben pola súa costume de faltar a verdade, falta a verdade cando di, en numerables ocasións que o goberno de Gómez Besteiro foi premiado pola Unión Europea, confundindo Madrid con Bruxelas.
“A Deputación de Lugo nunca foi premiada pola UE no que se refire a estes proxectos senón que estes foron aprobados a nivel nacional polos Ministerios da Administración Xeral do Estado, contando, como moitos outros, con financiación comunitaria”- explicou, quen engadiu que en Bruxelas, para desgracia do anterior goberno bipartito, nin os coñecen, nin os esperan, nin por suposto os premiaron.
O popular engadiu que neste estado de irresponsable de demora na execución do proxecto, “o goberno de Elena Candia atopouse con que quedaban por executar 11 accións formativas do Proxecto para as que nin tan sequera quedaban iniciados os expedientes de contratación dos formadores”. Conscientes da gravidade da situación, engadiu Armesto, “ priorizouse a execución deste proxecto, contratouse a un empresa formadora e puxémonos en contacto coas oficinas de emprego para contactar cos candidatos para a realización dos itinerarios. Dada a premura ningunha das oficinas conseguiu acadar nin tan sequera o 50% dos candidatos necesarios para poder realizar os cursos”.
O voceiro popular comprende que o deputado Pablo Rivera sinta remordementos, pero insiste en que dende o PP non lle teñen culpa polo que emprázao a que revele o nome dos 113 desempregados que reunían as características para poder facer os cursos nestas datas, e xa de paso, que detalle os 113 postos de traballo que destruímos, con datos sobre en que empresas están, que sen dubida os lucenses han de aproveitar a oferta, e nos, se dúbida, facilitarémoslles a súa contratación”- concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
