25 de agosto de 2015.- A Comisión de Emprego e Seguridade Social do Congreso aprobou este martes con Competencia Lexislativa Plena, e cun amplo consenso, o proxecto de Lei reguladora da protección social dos traballadores do sector marítimo-pesqueiro, un texto que regula tanto o Réxime Especial da Seguridade Social dos Traballadores do Mar (en diante Réxime Especial) como o resto de prestacións e servizos xestionados polo Instituto Social da Mariña e que pretende poñer orde na profusa normativa existente e simplificar a complexidade en materias como o campo de aplicación, a cotización e a acción protectora, con especial atención á prestación de xubilación.
O voceiro de pesca do GPP no Congreso dos Deputados, Joaquín García Díez, destacou que a Lei xorde do compromiso do Goberno co sector pesqueiro e do seu desexo de seguir ampliando as condicións sociais dun colectivo que desenvolve a súa actividade nunhas condicións moi especiais pola dureza da vida a bordo dun barco, o prolongado illamento das tripulacións, o afastamento do fogar familiar ou a elevada taxa de sinestralidade que padecen.
O proxecto presenta unha simplificación en canto á regulación do réxime do Mar, ao recoller soamente as especificidades deste en materia de cotización e coeficientes redutores da idade de xubilación, e en todo o demais remite a normativa xeral da Seguridade Social, co que se evitan duplicidades na regulación. Ademais, define os beneficiarios das prestacións que xestiona o Instituto Social da Mariña, independentemente do réxime en que se achen encadrados.
García Díez explicou que se segue mantendo no Réxime Especial aos traballadores que realizan unha actividade marítimo-pesqueira a bordo, pero inclúe como novidade a colectivos como o persoal de investigación, observadores de pesca e persoal de seguridade, así como a persoas que non desenvolven o seu traballo a bordo pero si vinculadas ao sector, como os traballadores administrativos de empresas estibadoras e das empresas que lles nutren de traballadores, sempre que desenvolvan a súa actividade exclusivamente no ámbito portuario, así como os redeiros, prácticos de porto e persoal que presta os seus servizos en plataformas fixas (petrolíferas, de gas, etc).
Inclúese os mergulladores profesionais, que ata agora só se incluían no Réxime Especial cando realizaban os seus servizos nunha empresa marítimo-pesqueira, quedando excluídos os recreativos, e no que respecta aos estibadores portuarios, e ante a gran problemática xurdida nos últimos anos, inclúese unha definición do estibador portuario, configurándoo como aquel que realiza as actividades que integran o servizo portuario de manipulación de mercadorías relacionadas na Lei de Portos do Estado e da Mariña Mercante, aprobado polo Real Decreto Lexislativo 2/2011.
Por outra parte, contémplase por primeira vez o termo acuicultura, ao obxecto de agrupar baixo a devandita denominación diversas actividades encadradas no Réxime Especial, aínda que quedan excluídos os traballadores que presten servizos en empresas dedicadas á acuicultura en zona terrestre.
O voceiro popular de Pesca dixo que se configurou o Réxime Especial con dous grandes colectivos, os traballadores por conta allea e os traballadores por conta propia e sinalou que neste Réxime Especial, as embarcacións son consideradas como centros de traballo, polo que debe existir unha conexión ou vinculación entre o rexistro de embarcacións que se xestiona polo Instituto Social da Mariña e o Rexistro de Buques de Mariña Mercante.
García Díez subliñou que todas as novidades incorporadas se realizan mantendo como tempo efectivo na aplicación dos coeficientes redutores os períodos de desembarco por enfermidade, accidente, vacacións, etc., un aspecto que a moitos grupos parlamentarios lles suscitara preocupación, e agradeceu as achegas de todos para que este proxecto de lei satisfaga as necesidades do sector.
O texto aprobouse co voto favorable de todos os grupos, agás a abstención do PNV, e o voceiro popular agradeceu os eloxios recibidos polo permanente diálogo que o GPP mantivo para chegar a un proxecto de consenso. “O grao de participación no período de consultas foi moi amplo e o grao de consenso alcanzado moi elevado e iso fai que hoxe poidamos alegrarnos de compartir maioritariamente os obxectivos e os medios que esta lei contén”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
