Burela, 3 de agosto de 2015.- O alcalde, Alfredo Llano, anunciou este luns que o Concello incrementará o número de prazas de aparcamento e que abordará a mellora integral da antiga praza de abastos.
O rexedor dixo que “imos incrementar o número de prazas de aparcamento. Crearase un aparcadoiro bastante grande na zona dos institutos, en fronte do IES Perdouro vamos preparar aquel solar. E tamén en fronte de onte está o novo local da asociación Camiña vamos preparar tamén un aparcamento para favorecer tanto aos veciños daquela rúa como aos usuarios do centro de Camiña, que se está acabando de acondicionar. Tamén estamos facendo as xestións necesarias para máis cara abaixo poder adaptar algún solar máis coa intención de dedicalo a aparcadoiro”.
Alfredo Llano tamén se referiu á mellora integral da antiga praza de abastos: “que agora está sendo utilizado por diferentes asociacións, pero a nosa intención, como xa lles dixemos no seu día aos colectivos, é acometer unha mellora integral dese edificio para que conte con novas posibilidades de espazos. Pero iso loxicamente leva o seu tempo e hai que esperar aos orzamentos para saber de canto podemos dispoñer para facer esa obra. O que si podemos dicir xa é que agora mesmo vaise pintar a fachada principal, a que dá á praza da Mariña, vaise revisar a instalación eléctrica e tamén os servizos sanitarios. Tamén procuraremos poñer en funcionamento o ascensor que hai, para os usuarios que van á planta superior, concretamente ao xulgado de paz o fagan dun xeito máis cómodo. É algo demandando sobre todo para aquela xente que ten algún problema físico que lle impide subir polas escaleiras”.
Pago a provedores
O rexedor tamén se referiu ás acusacións realizadas polo Grupo Municipal do PP sobre o retraso no pago a provedores: “estamos pagando aqueles compromisos que nosoutros adquirimos de forma continua e dentro do prazo, pero hai facturas que veñen de moi atrás que están sen pagar e estamos mirando a ver por que razón se retrasaron tanto; hai facturas que son do ano pasado, do 2014”. E insistiu “se hai algún retraso desde logo non é por culpa deste equipo de goberno, será polo anterior, dado que non se fixeron as cousas cando había que facelas. Non sei a que estiveron esperando, porque ademais tiñan servizo de Intervención a tempo completo mentres que agora está a tempo parcial. Pero este mes vai vir xa unha nova persoa que se vai encargar de levar a Intervención”.
Llano engadiu que “vamos procurar levar xa ao próximo pleno ordinario da corporación municipal a retirada dunha placa co nome de Jaume Matas que está no paseo marítimo, que foi algo que nós xa solicitamos no seu día ao anterior equipo de goberno, do PP”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
